Pas humbjes ndaj Bolonjës, kanë nisur diskutime të forta mbi të ardhmen, si të trajnerit Conceição, ashtu edhe të sulmuesit portugez, i cili erdhi nga Chelsea me një huazim prej rreth 6.5 milionë eurosh, një pagë të lartë dhe me ndjesinë se mund të ishte një zgjidhje e përkohshme.
Problemi duhet parë nga dy këndvështrime: nga njëra anë, vetë lojtari, i cili në vitet e fundit ka luajtur për Atletico Madridin, Barcelonën dhe Chelsea-n, por pa arritur të bindë plotësisht.
Nga ana tjetër, është edhe çështja e menaxhimit të klubit, një problem i dukshëm prej kohësh, por që shumë kanë zgjedhur ta anashkalojnë: më parë faji ishte i Piolit, pastaj i Fonseca-s, tani është Conceição ai që gjendet në qendër të kritikave. Ndoshta dikush, herët a vonë, do të fillojë të vërë në pikëpyetje edhe drejtimin e klubit.
Pastaj, natyrisht, është edhe Joao Felix. I ngadaltë, reflektiv, pothuajse një trup i huaj në skuadër. Askush nuk e vë në dyshim cilësinë e tij teknike, aftësinë për të trajtuar topin dhe talentin për të krijuar aksione të bukura. Por lëvizjet e tij elegante funksionojnë vetëm nëse kanë efikasitet, përndryshe humbasin vlerën dhe emocionin e tyre.
Kështu që, aventura e Joao Felix në Itali mund të ketë arritur tashmë në fundin e saj. Mbetet ende Kupa e Italisë si një mundësi për të shpëtuar një sezon që aktualisht duket i dështuar. Megjithatë, Milani ka fituar Superkupën Italiane dhe ka një përballje të dyfishtë me Interin në gjysmëfinale. Por, përtej këtij derbi të shumëpritur, vështirë të imagjinohet një qëndrim i tij në Milano, dhe jo vetëm për arsye ekonomike.
© SYRI.net
Bosnjë Hercegovinë-Katar, publikohen formacionet zyrtare, vetë fitorja bën punë
Sassuolo siguron të ardhmen talentit shqiptar, firmos deri në vitin 2030
Ibrahimovic vlerëson Leao-n: Kur luan si ndaj Uzbekistanit, është një nga më të mirëtBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
