Lewandowski do të qëndrojë te Barcelona, ja paga që do të marrë

Në javët e fundit janë publikuar shumë lajme mbi të ardhmen e tij dhe për rinovimin automatik të kontratës nëse do të luante një numër të caktuar ndeshjesh. Megjithatë, e vërteta është krejt ndryshe. Sulmuesi polak firmosi në vitin 2022 një kontratë katërvjeçare që skadon në qershor të vitit 2026. Por, në këtë marrëveshje ekzistonte një klauzolë që i jepte Barcelonës të drejtën për ta ndërprerë kontratën në mënyrë të njëanshme.

Një klauzolë për performancën

Klubi katalanas donte të kishte një garanci për performancën e sulmuesit në vitin e fundit të kontratës, kur ai do të jetë 37 vjeç. Për këtë arsye, Mateu Alemany, ish-Drejtori i Futbollit te Barcelona, vendosi një klauzolë sipas së cilës, nëse Lewandowski nuk luante të paktën 60% të ndeshjeve të sezonit, klubi mund të ndërpriste marrëveshjen.

Klauzola nuk do të aktivizohet

Nuk ka pasur asnjë mundësi që kjo klauzolë të zbatohet. Sulmuesi është shumë pranë arritjes së pragut të ndeshjeve të kërkuara dhe, për këtë arsye, ai do të vazhdojë të jetë pjesë e Barcelonës edhe sezonin e ardhshëm.

Në klub nuk e kanë konsideruar asnjëherë prishjen e kontratës, pasi Lewandowski po jep një kontribut të jashtëzakonshëm këtë sezon. Ai është aktualisht ‘Pichichi’ (golashënuesi më i mirë) në La Liga, golashënuesi më i mirë në Champions League deri më tani dhe në garë për Këpucën e Artë.

Paga e lartë

Është e vërtetë që paga e futbollistit është shumë e lartë, pasi këtë sezon ai fiton më shumë se 30 milionë euro bruto. Situata financiare e klubit bëri që drejtuesit të mendonin mbi vazhdimësinë e tij, por pas performancës së tij të shkëlqyer ky debat ka marrë fund. Sezonin e ardhshëm, ai do të fitojë 26 milionë euro.

© SYRI.net

Lexo edhe:

• FIFA bën gati revolucionin e penalltive, pritet vendimi para fazës eliminatore të Botërorit
• Tragjedi në Francë, ndërron jetë në moshën 21-vjeçare futbollisti i Guingamp-it
• Deschamps largohet nga Botërori, ndërron jetë nëna e trajnerit të Francës