Danimarka e ka vazhduar dominimin e plotë në Kampionatin Botëror të hendbollit, duke mposhtur Kroacinë në finale
Danezët e jashtëzakonshëm të dielën mbrëma e siguruan titullin e katërt rresht të botës, duke triumfuar në finale të Kampionatit Botëror 2025, me rezultatin 32-26.
Finalja u zhvillua në “Unity Arena” (Oslo) të Norvegjisë në një atmosferë të shkëlqyer.
Lojtarët e Danimarkës kanë dominuar nga fillimi e deri në fund. Në portë i hatashëm ishte Emil Nielsen, ndërsa mbrojtja po ashtu ishte shumë e lëvizshme dhe shumë e fortë.
Ndërkohë edhe sulmi i danezëve ka funksionuar gati në mënyrë të përkryer.
Kroatët sërish u shfaqën luftarakë, por që nuk u mjaftoi në finale.
Për Kroacinë është sukses i madh edhe arritja në finale të Kampionatit Botëror.
Danimarka është pa humbje në Kampionat Botëror që nga viti 2017.
Botërorin e parë e fitoi në vitin 2019. Kampione ishte edhe në vitet 2021 e 2023.
Medaljen e bronztë e fitoi Franca, që fitoi 35-34 ndaj Portugalisë.
© SYRI.net
Bëje LIKE dhe merr lajmin e fundit nga Sporti: