Dinamo City e pati thjesht një formalitet kualifikimin në çerekfinale të Kupës së Shqipërisë. Blutë e kryeqytetit mposhtën thellë 5-1 Erzenin në takimin e zhvilluar në “Elbasan Arena”, duke e rreshtuar veten mes tetë ekipeve më të mirë të këtij kompeticioni.
Spikati në këtë takim me tregolësh Mandela, që zhbllokoi fillimisht rezultatin në minutën e 12-të, para se Hoxha i Dinamos të realizonte autogol pa u mbyllur 20 minuta lojë.
Gjithsesi, në minutën e 37-të Bregi ktheu epërsinë e Dinamos pasi realizoi saktë një 11-metërsh.
Në pjesën e dytë, Mandela realizoi dy gola të njëpasnjëshëm, për t’ua lënë radhën Nanit dhe Vilës, të cilët vulosën rezultatin përfundimtar 6-1.
© SYRI.net
Bëje LIKE dhe merr lajmin e fundit nga Sporti: