Reali i Madridit pati një vizitë të veçantë në Jeddah, kur po përgatitet për gjsmëfinalen e Superkupës së Spanjës (do të luajë sonte ndaj Mallorca-s) .
Karim Benzema, lojtar i Al Ittihad, i cili kaloi plot 14 sezone duke luajtur për Real Madridin (nga viti 2009 deri në 2023), përfitoi nga fakti që "Los Merengues" ndodheshin në Arabinë Saudite për të takuar disa fytyra të njohura.
Përmes rrjeteve sociale, Real Madridi ndau disa fotografi që tregonin sulmuesin duke "biseduar për kohët e vjetra" me figura të ndryshme të skuadrës, përfshirë Carlo Ancelotti-n, Kylian Mbappénë (shok skuadre në kombëtaren franceze), Jude Bellingham dhe ish-shokët e tij gjatë kohës në kryeqytetin spanjoll, Vinícius Júnior dhe Rodrygo.
Pas 14 viteve me fanellën e Real Madrid, Benzema u transferua te Al Ittihad në verën e vitit 2023, duke lënë pas 648 ndeshje, 354 gola, 151 asistime dhe 24 tituj me klubin spanjoll. Gjatë karrierës me kampionët evropianë, sulmuesi francez fitoi gjithashtu "Topin e Artë" në vitin 2022.
© SYRI.net
Tragjedi në Francë, ndërron jetë në moshën 21-vjeçare futbollisti i Guingamp-it
Deschamps largohet nga Botërori, ndërron jetë nëna e trajnerit të Francës
Ronaldo ‘Fenomeni’ me batutë për Messin: Në moshën e tij unë peshoja 120 kilogramëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
