Inter ‘lëpin plagët’ e humbjes në Superkupë, ja si është situata me të dëmtuarit

Nuk ka kohë asd për të vajtuar për humbjen në finalen e Superkupës. Kalendari nuk lejon ndalesa dhe të dielën kampionati kthehet menjëherë për Interin, që përpiqet të shërojë plagët pas humbjes së rëndë në derbi.

Simone Inzaghi përballet me katër lojtarë të rinj të dëmtuar nga ndeshjet në Riad, edhe pse asnjë prej tyre nuk duket të jetë në një gjendje serioze para udhëtimit në Venecia, ku pritet të rikthehet një titullar në mbrojtje.

Gjendja e lojtarëve: De Vrij dhe Çalhanoglu  ishin të fundit që pësuan dëmtime. Mesfushori turk ka pësuar një lëndim të tretë në muskujt aduktorë këtë sezon. Ndryshe nga rastet e mëparshme në tetor dhe nëntor, kësaj here lodhja muskulore është në këmbën e djathtë dhe jo në të majtën, një lajm i mirë, pasi nuk është rikthim i një dëmtimi të mëparshëm.

"De Vrij më tha se kishte një problem me muskujt fleksorë," tha Inzaghi për mbrojtësin holandez, i cili megjithatë duket se ka pasur vetëm ngërçe muskulore.

Correa dhe Bisseck: Correa dhe Bisseck nuk janë në formë optimale dhe priten vlerësimet mjekësore në orët e ardhshme. Gjithashtu, vetëm ditët në vijim do të përcaktohet gjendja e Acerbit, i cili për momentin mbetet në dyshim për ndeshjen ndaj Venezias.

Lojtarët me shpresa për rikuperim: Ka optimizëm për rikuperimin e Thuram dhe Pavard. Sulmuesi francez, i cili u la në stol për arsye parandaluese kundër Milanit për shkak të një lodhjeje muskulore të lehtë në aduktorët e kofshës së majtë të pësuar ndaj Atalantës, pritet të jetë gati. I njëjti fat vlen edhe për mbrojtësin Pavard, i cili, bashkë me Acerbi-n kishte mbetur në Itali për t’u rikuperuar pikërisht për kampionatin. Rikthimi i tij do të jetë thelbësor për mbrojtjen, ku edhe Bastoni ka nevojë për pushim.

© SYRI.net

Lexo edhe:

• Tragjedi në Francë, ndërron jetë në moshën 21-vjeçare futbollisti i Guingamp-it
• Deschamps largohet nga Botërori, ndërron jetë nëna e trajnerit të Francës
• Ronaldo ‘Fenomeni’ me batutë për Messin: Në moshën e tij unë peshoja 120 kilogramë