Ish-lojtari i Barcelonës dhe kombëtares spanjolle, Gerard Pique, ka ndërhyrë në debatin e zjarrtë rreth kalendarit të ngjeshur në futboll.
Ish-mbrojtësi mbështet ish-shokët e tij dhe propozon një zgjidhje për këtë problem, që nënkupton reduktimin e skuadrave në kampionatet vendase.
Pique hodhi idenë e tij në një tryezë të rrumbullakët të organizuar me rastin e “Javës së Liderëve” në Londër dhe argumentoi idenë e tij për reduktimin e ekipeve në gara. “Mendoj se numri i ndeshjeve duhet të reduktohet. Duhet të thërrasim të gjitha ligat dhe tu themi se në vend të 20 skuadrave, garat duhet të zhvillohen vetëm me 16 klube” sugjeron ai. Themeluesi i “Kings League” kërkoi gjithashtu që zëri i futbollistëve të dëgjohet, ndërsa nuk kurseu kritikat ndaj FIFA-s dhe UEFA-s.
“Unë do t’i pyesja ata në UEFA: pse krijuan Ligën e Kombeve, një kompeticion i vështirë për tu ndjekur? Kjo vlen dhe për FIFA-n që kërkon ta organizojë një kompeticion të ngjashëm, Kupën e Botës për klube. E kuptoj që duan të gjenerojnë më shumë të ardhura, por për të mirën e futbollit mendoj se do të ishte shumë më mirë të kishim më pak ndeshje. Do të ishte më e lehtë për të argëtuar publikun dhe lojtarët do të kishin më pak ngarkesë”.
© SYRI.net
Messi për një tjetër rekord, Argjentina sfidon Austrinë për biletën e fazës me eliminim direktMessi për një tjetër rekord, Argjentina sfidon Austrinë për biletën e fazës me eliminim direkt
Neymar rikthehet në stërvitje me grupin, Brazili buzëqesh para sfidës vendimtare me SkocinëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
