Pas spektaklit të mbrëmshëm në Madrid, asgjë më pak na pret sonte në gjysmëfinalen e dytë të Champions League, në të cilën takohen Milani dhe Interi.
Derbi i madh i Madonnina-s luhet për herë të dytë në historinë e Champions League në gjysmëfinale. 20 vjet më parë, Milani u kualifikua në finale falë një goli si mik, teksa më pas fitoi trofeun kundër Juventusit dhe brezi aktual shpreson për të njëjtin rezultat.
Nga ana tjetër, zikaltrit shpresojnë të vazhdojnë me rezultatet pozitive që kanë ndaj rivalit të tyre më të ashpër këtë sezon. Pasi Milani fitoi 3-2 në ndeshjen e parë në kampionat, Interi arriti dy fitore, fillimisht 3-0 në Superkupë ku fitoi titullin, dhe më pas në ndeshjen e dytë në kampionat me 1-0.
Megjithatë, dueli i sotëm dhe ndeshja pas gjashtë ditësh do të jenë sigurisht duelet më të rëndësishme mes rivalëve të Milanit në 20 vitet e fundit, gjë që është e kuptueshme duke pasur parasysh aksionet.
Sipas njoftimeve të gazetës italiane Corriere dello Sport, Dzeko është preferuar para Lukakut dhe se partneri i tij në sulm do të jetë Martinez. Arsyeja është se trajneri Inzaghi është i kënaqur me mënyrën sesi Lautaro dhe Edin luajtën së bashku në dy përballjet e fundit mes Interit dhe Milanit.
Nga ana tjetër, pritet që Rafael Leao të jetë mungesa e madhe e kuqezinjve dhe në vend të tij do të luaj belgu Saelemaekers.
Formacionet e mundshme:
Milan: Maignan; Kalabria, Tomori, Kjaer, Hernandez; Tonali, Krunic; Saelemaekers, Bennacer, Brahim Diaz; Giroud.
Inter: Onana; Darmian, Acerbi, Bastoni; Dumfries, Barella, Calhanoglu, Mkhitaryan, Dimarco; Martinez, Dzeko.
Ndeshja mes Milanit dhe Interit do të luhet sonte në stadiumin San Siro të Milanos duke filluar nga ora 21:00.
© SYRI.net
Luhen sot tre ndeshje në Kategorinë Superiore, vëmendjen e merr derbi Tirana-Partizani
Barazim në Torino, Juventusi dhe Milani ndahen në 'paqe'
'Marrëveshja është arritur', Antonio Conte rikthehet në Serinë ABëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
