Dhimbje koke për Max Allegrin në prag të sfidës ndaj Nantes. Tekniku i bardhezinjve duhet të bëjë llogaritë pa një prej lojtarëve kryesorë të skuadrës, Federico Chiesa.
Ky i fundit ka punuar i diferencuar nga grupi në stërvitjet e fundit dhe nuk është në formën e tij më të mirë. Për këtë arsye, Allegri ka vendosur që mos ta grumbullojë për në sfidën delikate ndaj Nantes e cila do të vendosë edhe fatin e Juventusit në Europa League.
Lajme të mira megjithatë për Paul Pogba i cili për të dytën ditë radhazi është stërvitur plotësisht me grupin dhe numërimi mbrapsht për rikthimin e tij në fushë tashmë ka filluar. Megjithatë, edhe mesfushori francez nuk është grumbulluar për sfidën ndaj Nantes, por objektivi është që të jetë pjesë e skuadrës në derbin ndaj Torinos.
© SYRI.net
Bëje LIKE dhe merr lajmin e fundit nga Sporti: