Napoli mundi me rezultatin 2-0 Eintracht Frankfurt në Deutsche Bank Park në ndeshjen e parë të 1/16-ave të Ligës së Kampionëve dhe kështu bënë një hap drejt futjes në mesin e tetë skuadrave më të mira në Europë.
Në pjesën e parë napolitanët treguan se pse janë në formë të shkëlqyer pasi dominuan absolutisht fushën. Ata kishin shumë më tepër posedim të topit dhe disa raste të mira përballë vendasve mjaft të dobët.
Nëntë minuta para përfundimit të pjesës së parë, Napoli kishte rastin më të mirë për të kaluar në avantazh. Megjithatë, portieri Trapp bëri një pritje të shkëlqyer të penalltisë së gjuajtur nga Kvaratskhelia.
Megjithatë, vetëm katër minuta më vonë, Napoli kaloi në epërsi. Lozano bëri një kundërsulm të mrekullueshëm në krahun e djathtë, më pas përdori Osimhen, i cili e ndoqi mirë aksionin dhe e dërgoi topin në rrjetë për 0-1, që ishte edhe rezultati i pjesës së parë.
Shumë shpejt pas nisjes së pjesës së dytë, skuadra gjermane mbeti me një lojtar më pak pasi Kolo Muani mori karton të kuq për një ndërhyrje të ashpër në këmbën e kundërshtarit.
Penalltia erdhi shtatë minuta më vonë. Kvaratskhelia e shpengoi veten për penalltinë e humbur duke përdorur mjeshtërisht Di Lorenzo, i cili shënoi për 0-2. Deri në fund të lojës nuk pati më ndryshime, ndaj Napoli bëri një punë të shkëlqyer në luftën për t’u futur në çerekfinale të Champions League.
Ndeshja e kthimit mes Napolit dhe Eintracht do të luhet më 15 mars në stadiumin Diego Armando Maradona.
Rezultati dhe golashënuesit:
Eintracht - Napoli 0:2 (Osimhen 40', Di Lorenzo 65')
© SYRI.net
Trajneri i Fiorentinës: Nuk e njihja Europën, koha të fitojmë trofeun
Roma beson, De Rossi ‘kërcënon’ Leverkusenin: Në Gjermani për të fituar
Formacionet zyrtare: Real Madrid – BayernBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
