Olivier Giroud ka qenë protagonist i Milanit mbrëmë duke i realizuar dy gola në fitoren e pastër ndaj Salzburgut me rezultat 4:0.
Ky triumf ia mundësoi gjigantit italian të depërtojë në të tetën e finales së Ligës së Kampionëve.
Sulmuesi francez ndihet i lumtur për kualifikimin dhe për kontributin e tij në fushën e blertë.
“Ishte një natë e madhe për mua, mbi të gjitha për skuadrën, jam i kënaqur dhe krenar për shpirtin tonë. Dëshironim ta bënim një lojë të madhe dhe e bëmë”, deklaroi ish-sulmuesi i Arsenalit dhe i Chelseat pas lojës.
E tash, fokusi i tij, por edhe i shokëve të tij do të jetë në kampionatin italian.
“Vitin e kaluar ishim në ‘grupin e vdekjes’, ishte një eksperiencë e mirë, e cila na kishte lënë paksa të frustruar. Këtë vit e kishim objektiv të qartë ta kalojmë grupin. Tash do të koncentrohemi në Serie A, jemi të lumtur për tifozët, të cilët e meritojnë këtë”, nënvizoi ai.
Ai e analizoi edhe lojën dhe zbuloi se kujt ia dedikoi golat.
“Ata na bënë presion dhe vrapuan shumë. Në pjesën e parë kemi mundur të shënonim më shumë gola, por e nisëm pjesën e dytë mjaft mirë dhe e morëm sigurinë e lojës.”
“Golat ia dedikoi Saelemaekers. Nuk kam shënuar shumë këto javë dhe ata të sontëm ishin për të”, përfundoi Giroud.
© SYRI.net
Superliga/ Sot hidhet shorti për ‘Final Four’
Lojtari i Milanit: Po kalojmë një periudhë të komplikuar, synojmë vendin e dytë
Lojërat Olimpike 2024, Shqipëria do të përfaqësohet zyrtarisht nga dy mundës në ParisBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
