Angel Di Maria mund të konsiderohet pa frikë si goditja më e bujshme e Juventusit në këtë sesion të merkatos.
Bardhezinjtë e transferuan argjentinasin me parametër zero nga PSG teksa 34-vjeçari vendosi të mos e rinovonte kontratën me francezët dhe të kërkonte një eksperiencë të re.
Kështu, bardhezinjtë presin shumë nga Di Maria, ndërsa garancia për cilësitë e tij vjen nga Ronaldo, Fenomeni.
Ish-futbollisti brazilian thekson se Di Maria është nga ata lojtarë që në fushën e lojës krijojnë pa fund teksa shton se në aspektin fizik, argjentinasi është ende në majë.
“Unë e njoh mirë Di Marian. Në Madrid kishte nga ata njerëz që shkonin në stadium vetëm për të parë atë. Nuk duket aspak si një 34-vjeçar dhe fizikisht është një “Perëndi”.
Një nga cilësitë e tij më të veçanta është se në fushë ai arrin të dallojë gjërat që të tjerët nuk i shohin. Në fushë nuk është se vetëm luan si pjesa më e madhe, Di Maria “shpik”, sidomos asiste”, u shpreh Ronaldo për “La Gazzeta Dello Sport”.
© SYRI.net
Verratti synon të kthehet në Europë, nis bisedimet me klubin e njohur
UEFA merr vendimin, zyrtarizon ndryshimin e madh për 'Euro 2024'
Xavi nuk jep garanci për Lewandowski dhe Vitor Roque: Do të vendosim në fund të sezonitBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
