“Jam i indinjuar nga telefonatat e pseudo gazetarëve, që spekulojnë për jetën e një njeriu që po lufton”.
Këto janë fjalët e Alberto Zangrillos, kreut të Anestezisë dhe Kujdesit Intensiv të spitalit San Raffaele, në Milano, i cili iu përgjigj thashethemeve për gjendje shëndetësore të menaxherit të njohur Mino Raiola, 54 vjeç.
Gjendja e menaxherit italo-holandez, një nga më të pasurit dhe më të famshmit në botë, është shumë e rëndë.
Raiola është përfaqësues i shumë kampionëve si: Ibrahimovic, Pogba, Haaland, Balotelli, De Ligt, Donnarumma e Verratti.
Gjatë muajit janar, u përhapën fjalë për shtrimin e tij urgjent në spitalin San Raffaele, në Milano, por që u mohuan nga vetë Raiola.
“Gjendja aktuale e shëndetit për ata që pyesin: i inatosur. Kjo është hera e dytë në 4 muaj që më vrasin”.
Këto janë fjalët që u shfaqën në adresën zyrtare të Mino Raiolas në Twitter dhe Instagram si përgjigje për thashethemet mbi vdekjen e tij.
Zlatan Ibrahimovic mbërriti në spitalin San Raffaele pak pas pasdites për të vizituar menaxherin e tij, Mino Raiola.
Edhe Mario Balotelli ka shkruar një mesazh për Raiolan, i cili ka qenë gjithmonë pranë tij. “Të dua, qëndro i fortë, Mino”, ka shkruar sulmuesi, që aktualisht luan në Turqi.
Shumë lojtarë të tjerë kanë postuar mesazhe mbështetëse për Raiolan në rrjetet e tyre sociale.
© SYRI.net
PSG ka gati ofertën e bujshme për yllin e Serisë A
Prej 8 muajsh është tërhequr nga futbolli, por Real Madridi vazhdon të paguajë për HazardPrej 8 muajsh është tërhequr nga futbolli, por Real Madridi vazhdon të paguajë për HazardBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
