Milan Skriniar ka dhënë një intervistë për “Corriere della Sera”, ku ka folur për eksperiencën e tij tek Interi si dhe për të ardhmen.
“Kalimi nga mbrojtja me katër tek ajo me tre ishte e vështirë, nuk kisha luajtur kurrë dhe lodhesha. Conte u tregua i zoti, më shpjegonte lëvizjet edhe me video. Është si një çekiç që të ngul mentalitetin e fituesit, e asimilon edhe nëse nuk do. Ishte diçka e hidhur eliminimi nga Champions.
Por në fund na ndihmoi që të fitonim kampionatin. Eliminimi na bashkoi dhe të gjithë kërkonim që të reagonim. Inzaghi është si një shok skuadre: të kupton, të flet, bën shaka dhe qesh me ne. Edhe me
Conten bënim shaka, por më shumë pasi fituam kampionatin. Tani ndihemi më të lirë, duket edhe në fushë: nga mbrojtja shkoj edhe në sulm.
Interi favorit për titullin? Po. Gjithçka varet nga grupi dhe ne jemi të bashkuar. Nuk mendoj të largohem, jam i kënaqur këtu. Por asnjëherë si dihet se çfarë ndodh.
Nuk kemi folur akoma për rinovimin, kam një kontratë deri në vitin 2023. Një eksperiencë jashtë Italisë nuk do të ishte keq, por jam shumë mirë tek Interi dhe këtu në Milano”, ka thënë mbrojtësi sllovak i zikaltërve.
© SYRI.net
Grosso prezantohet te Sassuolo: Nuk flas për objektiva, synoj të ndërtoj një ekip që të rikthehet në Serie A
Ndodh për herë të parë në Spanjë, 3 tifozë dënohen me burg pas thirrjeve raciste kundër Viniciusit
Guardiola: Dera e Barcelonës është e mbyllur për mua, nuk ka rikthimBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
