Santiago Bernabeu i ri ka filluar të marrë formë: Pamje se deri ku kanë shkuar punimet e shtëpisë së re të Real Madridit

11:33, 03/07/2021

Real Madridi ka shkuar me shpejtësi të madhe për rindërtimin e stadiumit të tyre që kushton afro 800 milionë euro.

Gjigandët spanjollë treguan të kaluarën, të tashmen dhe të ardhmen spektakolare të stadiumit të tyre të famshëm ndërsa transformohet, duke treguar çatinë e tij të lëvizshme.

Riparimi përfshin gjithashtu një ekran 360 gradë, hotel, park nëntokësor pesë katësh, qendër tregtare dhe restorante shtesë.

Marca thotë se Reali shpreson të rihapë plotësisht terrenin midis shtatorit 2022 dhe Janarit 2023, duke ruajtur kapacitetin e tij prej 81,000 vendesh pavarësisht nga të gjitha tiparet e reja.

Për sezonin 2020-21 ata luajtën në stadiumin prej 6,000 ulësesh të ekipit rezervë të tyre, Estadio Alfredo di Stefano.

Por, krerët e klubit lejuan disa tifozë të shohin përparimin e bërë në Santiago Bernabeu dhe me atë se sa magjike do të duket përbrenda.

Ata postuan një klip 148 sekondësh në Twitter për të treguar ndryshimet e deritanishme, plus përshtypjen e një artisti se si duhet të duken të gjitha brenda një viti.

Plani për një hotel të ri përfshin disa dhoma me pamje nga lartësia.

Shumica e punës është përfunduar, por që pandemia i ka penalizuar shumë, derisa besohet se aty janë duke punuar rreth 700 persona.

© SYRI.net

Lexo edhe:

• Verratti synon të kthehet në Europë, nis bisedimet me klubin e njohur
• UEFA merr vendimin, zyrtarizon ndryshimin e madh për 'Euro 2024'
• Xavi nuk jep garanci për Lewandowski dhe Vitor Roque: Do të vendosim në fund të sezonit