Eliminimi nga Zvicra, nuk u prit mirë në kampin francez, dhe pakënaqësia kulmoi në mesin e të afërmve të lojtarëve të pranishëm në tribunat në Bukuresht.
Kamerat regjistruan një episod kur Veronique Rabiot, nëna e Adrien Rabiot, pati një debat të ashpër me familjarët e Kylian Mbappe dhe Paul Pogba, ku ajo fajësoi sulmuesin e PSG për penalltinë e humbur.
"Është turp për një lojtar të nivelit të tillë. Ai gjuajti shumë lehtë. Shpresoj se do t’i bërtasësh atij," u tha Veronique Rabiot pjestarëve të familjes së Kylian Mbappe të pranishëm në stadium.
Sipas “RMC Sport”, nëna e Adrien Rabiot gjithashtu fajësoi Pogba tek goli i barazimit në minutën e 90-të, kur ai humbi një top në mes të fushës. Ata që ishin të pranishëm në stadium u befasuan nga sjellja e zonjës Rabiot.
Veronique gjithashtu kundërshtoi gazetarët e pranishëm, të cilët i akuzoi se po mbronin një lojtar që ajo e konsideron shumë arrogant.
Familjet e lojtarëve të tjerë, dëshmitarë të skenës, kritikuan Veronique për mënyrën dhe momentin e debatit dhe Federata e Futbollit e Francës me siguri do të vendos në të ardhmen nëse do ta lejojë atë të jetë përsëri e pranishme në tribuna.
© SYRI.net
Luhen sot tre ndeshje në Kategorinë Superiore, vëmendjen e merr derbi Tirana-Partizani
Barazim në Torino, Juventusi dhe Milani ndahen në 'paqe'
'Marrëveshja është arritur', Antonio Conte rikthehet në Serinë ABëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
