Hysaj: Ndeshjen me Anglinë e kemi pritur që të vegjël, arrita të bllokoj Sterling

20:20, 28/03/2021

Elseid Hysaj ishte një nga lojtarët më të mirë në fushë, në ndeshjen ndaj Anglisë.

Pas ndeshjes, për “Rtsh”, mbrojtësi u shpreh: “E kemi pritur që të vegjël ndeshjen me Anglinë dhe me lojtarë të tillë. Disa gjëra u realizuan. Lojtarët duhet të kërkonin më shumë topin, emocionet ishin aty, pasi Anglia është ekip i madh, por duhet të paraqiteshim më mirë në fushë.

Duelet me Stërlingun? Janë ndeshje të bukura kur ke duele me të tillë lojtarë. Megjithatë kundër Stërlingut kam luajtur edhe me Napolin dhe mendoj se sot ia dola deri diku ta bllokoja. Duhet të shfrytëzonim rastet që kishim, nëse Anglisë nuk ia shënon në rastet që ke, e pëson.

Skema? Ishte një skemë e mirë, për mbrojtjen funksionoi. Skema ishte e mirë për mbrojtjen. Rastin e Uzunit mund ta humbiste edhe Cikalleshi. Mendoj se e bëri mirë pozicionin e tij”, tha Hysaj.

 

© SYRI.net

Lexo edhe:

• Jasir Asani në telashe para Europianit, e ‘sulmon’ trajneri i skuadrës
• Euro 2024/ Buffon: Franca është ‘blind’, por kujdes Italinë time!
• Kush e fiton Premierligën? Skenarët e javës së fundit që shpallin kampion Manchester Cityn ose Arsenalin