Shqipëria nis sot aventurën për në “Katar “2022” në orën 20:45, duke sfiduar Andorrën.
Edi Reja, në konferencën e djeshme, mohoi eksperimentet dhe tha se do të hedhë në fushë lojtarët te të cilët ka më shumë besim se kanë mentalitetin e duhur për një ndeshje si kjo.
Nga sa pritet, trajneri nuk do të ndryshojë as modul: pritet 3-5-2 tradicional, me kapitenin Berisha një kuadrat. Ndonëse, edhe Strakosha nuk mbetet pas.
Shqipëria këtë herë vjen me një “mur” të Serisë A: Spezia, Atalanta dhe Roma përbëjnë treshen e qendrës me Ismajlin, Gjimshitin dhe Kumbullën.
Në mesfushë, Keidi Bare pritet të luajë përkrah dy lojtarëve me shumë eksperiencë, si Gjasula dhe Ledian Memushaj.
Krahët trajneri i ka mbuluar me Elseid Hysajn si dhe Ermir Lenjanin. Ky i fundit është në dilemë me Myrto Uzunin, i cili vjen me superformë nga Hungaria dhe Ferencvaroshi.
Kjo, në bazë edhe të provave të pakta që ka bërë, vetëm dy të tilla dhe dje në stërvitjen zyrtare në stadiumin e Andorrës e pardje në Barcelonë.
Pritet që Sokol Cikalleshi dhe Rei Manaj të udhëheqin vijën e parë sulmuese të Shqipërinë në sfidën debutuese për këtë edicion kualifikuesesh.
Formacioni i mundshëm i kuqezinjve
Në portë: Berisha
Në mbrojtje: Ismajli, Gjimshiti, Kumbulla
Në mesfushë: Hysaj, Bare, Gjasula, Memushaj, Lenjani (Uzuni)
Në sulm: Cikalleshi, Manaj
© SYRI.net
Lojtari i Milanit: Po kalojmë një periudhë të komplikuar, synojmë vendin e dytë
Lojërat Olimpike 2024, Shqipëria do të përfaqësohet zyrtarisht nga dy mundës në Paris
Arsenal mposht Manchester United dhe rimerr kreun e Premier LeagueBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
