Interi është sërish i interesuar për Iskon. Mesfushori i Realit të Madridit nuk shihet më si pjesë e planeve të Zinedin Zidanit (pavarësisht se ka pasur më shumë minuta në dispozicion gjatë kohëve të fundit për shkak të dëmtimeve) dhe këto mund të jenë muajt e tij të fundit në kryeqytetin e Spanjës.
Në moshën 28 vjeç, Isko mund të largohet gjithashtu për një kosto jo të lartë, meqenëse kontrata i skadon në vitin 2022: opsioni tjetër për presidentin Florentino Perez do të ishte largimi i lojtarit me parametër zero verën e ardhshme, sepse një rinovim duket thuajse i pamundur për momentin.
Problemi i klubit zikaltër për afrimin e Iskos, me kërkesë të Antonio Kontes, është fakti që i detyrohen klubit “merengues” ende para për këstin e Ashraf Hakimit (rreth 10 milionë euro). Si pasojë, një akord financiar me “Los Blancos” për një marrëveshje që do t’u afrohej 20 milionë eurove do të ishte jo e lehtë.
Në çdo rast, për momentin, Reali nuk do t’i ofrojë Iskos një kontratë të re. Zidan ka humbur besimin tek ai shumë kohë më përpara dhe përfshirja e tij në skuadër ka qenë vetëm për shkak të mungesave të mëdha në klub. Isko gjithashtu ka një reputacion të mirë në Angli, ndërkohë që ekziston edhe interesimi prej klubeve spanjolle, mes të cilave më e interesuar është Sevija.
© SYRI.net
Data kur do të mbahet finalja e Kupës së Kosovës, përballja mes Prishtinës dhe Ballkanit
Ancelotti: Ky është momenti i Vinicius, e shoh shumë pranë 'Topit të Artë'
Superiore/ Të shtunën luhet java e 36-të, katër ekipe për garë për vendin e fundit në 'Final Four'Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
