Nga Besart Xhaferri/
Pak muaj më parë, kur Kryeministri Edi Rama zhvilloi një takim me ndërtuesit e kam akuzuar se u soll me ta si tutor, duke i kërcënuar dhe shantazhuar, por në të vërtete kjo qeveri ka rezultuar një minierë ari për shumë prej tyre, pasi me bekimin e saj një pjesë e tyre kanë injektuar në ndërtim paratë e narkotrafikut, duke falimentuar shumë ndërtues të ndershëm, që nuk përqafuan këtë praktikë.
Në 2020 Rama prezantoi vendimin e qeverisë së tij për konfiskimin e shtesave pa leje në kullat e Tiranës, ku nuk mungoi as show mediatik me polici e shirita bllokimi.
Por një vit e gjysmë më vonë, dokumentet e bëra publike në media tregojnë se qeveria, jo vetëm që ua ktheu godinat mbrapsht shkelësve të ligjit me çmime 10 herë më të ulëta se vlera e tregut, por u amnistoi atyre detyrime fiskale për lejet e reja të ndërtimit në një vlerë që llogaritet në gati 2 milionë euro.
Si një njeri që vij nga fusha e sipërmarrjes që në atë kohë e kam denoncuar publikisht faktin se kjo nisëm e qeverisë, ishte për të favorizuar ata ndërtues që kishin abuzuar me lejet e ndërtimit, duke i tejkaluar katet e kullave.
Karriera e Edi Ramës në Bashkinë e Tiranës është financuar nga korrupsioni me lejet e ndërtimit, teksa të njëjtën gjë bëri dhe në qeveri, duke e kthyer Shqipërinë në El-doradon e narkotrafikantëve për pastrimin e parave.
© SYRI.net