Një ditë më parë, gazeta më e madhe spanjolle, El Pais shkruante se arrestimi i Amant Josifit ka shkaktuar një ‘tërmet’ në Shqipëri.
Kjo për shkak të lidhjeve politike, ku spikat fakti se ai është partner biznesi me vëllain e kryeministrit, Olsi Rama.
Por mediat e huaja po theksojnë sidomos faktin se deri vonë, Josifi ishte këshilltar i ministres së Mbrojtjes, Olta Xhaçka. Kjo e fundit mori më pas postin e ministres së Jashtme dhe u shkarkua para pak ditësh.
Ndërsa SPAK po e heton Xhaçkën, ajo e kishte graduar në nivelin më të lartë Josifin. Mashtruesi ndërkombëtar ishte bërë këshilltar për NATO-n.
Sipas profilit të botuar në një faqe personale interneti, Josifi ka shërbyer deri në vitin 2020 si këshilltar për NATO-n i ish-ministres së Mbrojtjes, Olta Xhaçka.
Edhe në faqen e tij në rrjetin social ‘LinkedIn’, Josifi prezantohet si këshilltar i Ministrit të Mbrojtjes.
Në vitin 2014, Josifi ka themeluar së bashku me vëllanë e kryeministrit, Olsi Rama, kompaninë Pegasus Communications Shpk. Në faqen e tij biografike në internet, Josifi e prezanton veten si djali i një biznesmeni, i arsimuar në Francë për shkenca politike dhe marrëdhënie ndërkombëtare.
© SYRI.net
Maj 2024: Këto shenja do të kenë zhvillime në jetën e tyre profesionale
VIDEO/ Klodiana Lala zbulon për çfarë u pyet Erion Veliaj në SPAK: Ju bënë rreth 100 pyetje
VIDEO/ Armand Shkullaku: Erion Veliaj çuditet se ka gazetarë që nuk paguhen prej tij
Denonco
Merrni lajmet më të fundit nga SYRI.net në çdo moment dhe kudo që të jeni!
