Prej 10 ditësh është çelur sezoni turistik në plazhet e Semanit dhe të Darëzezës në Fier. Por ndërsa pushues vendas e të huaj kanë nisur frekuentimin e këtyre plazheve, bashkia e Fierit nuk ka marrë asnjë masë për dezinsektimin e vatrave të mushkonjave të cilat janë kthyer në problem për turistët.
Nga SYRI TV
Prej afro dhjetë ditësh bashkia e Fierit ka çelur sezonin turistik në plazhet e Semanit dhe të Darëzezës.
Ndërsa bizneset kanë marrë masat për sistemimin e plazhit, rërës, shezlongëve dhe çadrave për të qenë në lartësinë e duhur, bashkia Fier nga ana e saj përveçse ka kryer pastrimin e rërës në vijën bregdetare, nuk ka marrë asnjë masë për dezinsektimin e vatrave të mushkonjave të cilat kanë sjellë probleme tek pushuesit vendas e të huaj.
Pushuesit thonë se bashkia Fier duhet të investojë më tepër për t’i rikthyer vlerat e duhura plazheve të Fierit si ai i Semanit, Darëzezës dhe Porosit pasi shquhen për rërën e pasur me shumë jod.
Një çifti austriak që ka ardhur të qëndrojë pak ditë në plazhet e Semanit, i duhet të përballen me këtë situatë.
Mungesa e investimeve dhe dezinsektimeve nga bashkia Fier dhe Ministria e Bujqësisë, e ka bërë situatën shumë problematike për pushuesit në periudhën e plazhit, veçanërisht nga ora 9:00 deri në 14:00 kur fillojnë dhe puhizat detare.
© SYRI.net