Dalin në dritë detaje të reja nga vdekja e një shqiptari 20-vjeçar në Piacenza të Italisë. Viktima humbi jetën nga një plumb në kokë.
Sipas medieve italiane, policia ka ndaluar një person, i cili fillimisht ishte kyçur në banesë, por që më pas u prangos nga forcat e rendit.
Burimet thonë se bëhet fjalë për vëllanë 18-vjeçar të viktimës.
Ai është marrë në pyetje nga hetuesit. Sipas medieve italiane, ai ka rrëfyer se bëhej fjalë për një aksident tragjik.
Gjatë rrëfimit, ai është shprehur se vëllai i tij është qëlluar aksidentalisht nga arma që po përdorte.
Mister mbetet fakti se përse kishte një armë zjarri në banesë, pasi askush nga familja nuk e kishte raportuar armën.
Hetimet për ngjarjen e rëndë po vazhdojnë.
Autoritetet shëndetësore thanë se ishte e pamundur të shpëtohej i riu.
© SYRI.net