Nga Gjirokastra, ku zhvilloi takime me qytetarë dhe operatorët turistik, Rama deklaroi se fasha 800 kilovat për orë e energjisë elektrike do të varet nga kushtet e motit dhe kursimi i shqiptarëve.
Kreu i qeverise premtoi dyfshimin e buxhetit në vitin elektoral, dhe pagë minimale 40 mijë lekë në muaj. Gjatë fjalës së tij Rama fajësoi fermerët për falimentimin, ndërsa nuk kurseu as akuzat ndaj mediave.
Çmimi i energjisë elektrikë në vend do të varet nga ecuaria e motit dhe kursimi i qytetarëve. Kështu deklaroi kreu i qeverisë Edi Rama gjatë takimit me operatorët turistik në Gjirokastër, nga ku theksoi se do të bëhet cmos që të shtyhet vendosja e fashës 800 kë në muaj.
Edhe pse nuk ka dhënë asnjë subvencionim për qyetarët, Edi Rama paralajmëroi se në buxhetin e ri të vitit elektoral, do të ketë mbështje të vecantë për ta. Ai deklaroi se edhe paga minimale 40 mijë lekë do të rritet më shpejt seç ishte parashikuar.
Ndërsa për situatën e vështirë të bujqësisë në vend, ku prodhimet hidhen në kanale për shkak të mungesës së tregut, kryministri Rama bëri përgjegjës fermerët, të cilët sipas tij prodhojnë pa studiuar tregun.
Gjatë fjalës së tij, Rama sulmoi edhe mediat në vend. Sipas tij ato transmetojnë vetëm zërat kritik ndaj qeverisë, si gjobë për të përfituar financiarisht.
Sulmet Edi Rama nuk i kurseu as për opozitën, për të cilën tha se ankohen nga kafenetë për Shqipërinë në rrezik.
© SYRI.net
Ish-deputeti i Ramës, Arben Ndoka, shpallet në kërkim me urdhër të SPAK
Urdhër arreste për botën e krimit në Shqipëri, SPAK dyshohet se ka zbardhur disa atentate të bujshme
VIDEO/ Thirrjet e fundit të nënës së 2 fëmijëve para vrasjes dhe rrëfimi cinik i vrasësit: 'Sa e pashë, nxora thikën'
Denonco
Merrni lajmet më të fundit nga SYRI.net në çdo moment dhe kudo që të jeni!
