Paralajmërimi i Metës: Jemi përballë rreziqeve dhe kërcënimeve të reja

21:50, 18/10/2022

Kreu i Partisë së Lirisë, Ilir Meta, thotë se sot jemi përballë rreziqeve dhe kërcënimeve të reja. 

Ish-kreu i shtetit, i ftuar në emisionin 'Pushteti' me Juela Meçanin në Faxnews, ndalet edhe tek situata ku ndodhet vendi ynë, duke e vënë theksin tek shpopullimi, që ka qenë një kambanë alarmi e paralajmëruar kohë më parë nga vetë ai.

Ilir Meta: Është një kohë e ndryshme jemi përballë rreziqeve dhe kërcënimeve të reja, janë kërcënime reale, për lirite e të drejtat e qytetarëve dhe për interesat kombëtare. Këto janë arsyet pse 25 korriku sjell një forcë të re politike. Me një dimension dhe mision krejt tjetër. Leksione kemi marrë pa fund, më pëlqen shprehja, “unë ose fitoj ose pësojë”. Kam mësuar shumë edhe nga dështimet e të tjerëve. Kemi konventen zgjedhore të Partisë së Lirisë, jemi në moment tranzicioni, do të miratohet statuti dhe do të zgjidhen forumet e përhershme që do drejtojnë PL.

Do të ketë garë për kryetarin e PL?
Ilir Meta: Cdo kush është i mirëpritur, nuk kam arsye të shpik kandidatë fiktiv, procedurat janë bërë transparente.

Do të ketë një bosht ideologjik?
Ilir Meta: PL ka tre boshte, lirinë, interesin kombëtar dhe njerëzor. Interesi kombëtar shihet në të gjitha planet, shikohet në planin ekonomik, një ekonomi që ka sjell në shpopullim të vendit. Ekonomi e dështuar se të gjithë treguesit na rendisin në fund të rajonit. Interesi kombëtar është ai që udhëheq PL. Ne drejtohemi për shqiptarët që ndihen të cenuar për lirite e të drejtave të tyre, që e kuptojnë se kur Ilir Meta u binte kambanave për shpopullimin, nuk ishte paranojë, por është realiteti i shëmtuar që ndodhet vendi ynë. U drejtohemi atyre që kanë dinjitet njerëzor. Që nuk mund të vazhdohet pa fund. Mosreagimi ndaj saj nuk është gjë tjetër për t'i mohuar vetes edhe ato pak të drejta që mund të kenë.

© SYRI.net

Lexo edhe:

• VIDEO/ Berisha: Veliaj dhe drejtorët e tij vodhën taksën e shkollës dhe ndërtuan hotelet me 5 yje. Të martën zemërimi juaj gjer në qiell
• VIDEO/ Berisha: Si ka mundësi që Dumani nuk thotë një fjalë për kompaninë ‘Harabel’ të Velicës që financohej me paratë e djegësit të Tiranës
• VIDEO/ Berisha: Dumani ka kufizuar hetimin ndaj Veliajt deri në shkurtin e vitit 2021. Se çfarë ndodh deri në shkurtin e 2024, për këto Skapi është zero