Berisha: Rama 40 mijë herë injorant, po rrokullisemi drejt standardeve afrikane për shërbimin mjekësor

19:27, 18/10/2022

Kryetari i PD, Sali Berisha ngriti edhe shqetësimin për gjendjen e sistemit shëndetësor në vend. 

Gjatë takimit me përfaqësues të Departamentit të Arsimit, Berisha tha se shërbimi mjekësor në Shqipëri po rrokulliset drejt standardeve afrikane. 

Deklaratat e Ramës se Italia ka 40 mijë mjekë mugesë, Berisha i quajti injorancë të kryeministrit, kjo pasi sipas tij fqinjët përtej Adriatikut renditen vendi i dytë në botë për numrin e mjekëve.

"Ky njeri dhe ata që e ndjekin, se si të abuzojnë me lirinë. Më rikujtohet çdo ditë thënia e Klemensoi i cili thotë se; liria është aftësia për të vetëdisiplinuar veten. Sepse mund ta përdorësh në drejtime siç e përdor ky. Nuk e ka dëgjuar njeri kurrë ndonjëherë, por tani duhet të marrim studentë dhe të mos çojmë në shkolla fëmijët shqiptarë, pasi nën këtë mesatare nuk duhet shkolluar, duke treguar se nuk ka një koncept elementar. Ky njeri nga mëngjesi deri në darkë shet injorancë dhe mashtrime. E dëgjoi sot tek thotë për mjekët; për fat të mirë nuk kemi mungesë mjekës dhe infermierësh, kemi akoma të tjerë që presin të punësohen, por Italia ka 40 mijë mungesë. Të shprehesh në këtë mënyrë duhet të jesh 40 mijë herë injorantë. Italia është vendi i dytë në botë për numrin e mjekëve. Ka 4 mjekë për 1 mijë banorë, para saj është veç Gjermania me 5.4 mjekë për 1 mijë banorë. Ky njeri që ka të dhëna që brenda 2 vitesh kanë ikur 1100 mjekë dhe që sot jemi 1 mjek për 1100 banorë. Kina ka 2 mjek për 1 mijë banorë, ndërsa ne po rrokullisemi drejt standardeve afrikane, dhe ky ka mburrje dhe thotë nuk jemi si Italia. Gjen zgjidhje, të mos u japim diplomën. A kuptohet se çfarë koncepti është ky. U ndala në këto elementë thjeshtë për të theksuar se në ç’gjendje të rrezikshme është sot arsimi i lartë, shoqëria shqiptare", theksoi kreu i PD.

© SYRI.net

Lexo edhe:

• VIDEO/ Berisha: Veliaj dhe drejtorët e tij vodhën taksën e shkollës dhe ndërtuan hotelet me 5 yje. Të martën zemërimi juaj gjer në qiell
• VIDEO/ Berisha: Si ka mundësi që Dumani nuk thotë një fjalë për kompaninë ‘Harabel’ të Velicës që financohej me paratë e djegësit të Tiranës
• VIDEO/ Berisha: Dumani ka kufizuar hetimin ndaj Veliajt deri në shkurtin e vitit 2021. Se çfarë ndodh deri në shkurtin e 2024, për këto Skapi është zero