Një aksident i pazakontë ndodhi mbrëmjen e kësaj të hëne në qytetin e Peshkopisë.
Një automjet tip 'BMW' humbi kontrollin dhe përfundoi brenda ambienteve të Gjykatës së Dibrës.
Syri.net sjell pamjet e këtij aksidenti.
Makina ka thyer kangjellat rrethuese të institucionit dhe përfundoi në oborrin e Gjykatës, duke përplasur edhe G.D, punonjësin e shërbimit të sigurisë private që ishte në shërbim.
Ai ka mbetur i plagosur, ndërsa policia thotë se është jashtë rrezikut për jetën.
Edhe drejtuesi i mjetit ka mbetur i plagosur gjithashtu, i cili pas mjekimit do shoqërohet në komisariat.
© SYRI.net