‘Padia e Ramës dhe gëzimi i Veliajt për vdekjen e Myftaraj’/ Berisha: Akt amoral dhe cinizmi ekstrem për njerëz shpirtkërmë

18:18, 12/07/2022

Kryetari i PD-së Sali Berisha ka dënuar gëzimin e shprehur nga Erion Veliaj për vetë(vrasjen) e gazetarit Kastriot Myftaraj gjatë mbledhjes së Këshillit Bashkiak.

‘Në një akt amoral dhe cinizmi ekstrem tipik për njerëz shpirtkërmë, Erion Veliaj shpreh gëzim për vdekjen e Kastriotit. Por gëzimi i Erion Velisë dhe padia e Edi Ramës ndaj një njeriu, që thuhet se ka patur në të shkuarën probleme depresioni, ka ngjallur dyshime për shkakun e vertetë të vdekjes së tij, shkak të cilin i ndjeri Kastriot e merr me vete në varr’, shkruan Berisha në Facebook.

Postimi i plotë i Sali Berishës:

Rama e kishte paditur në gjykatë. Lal Eri shpreh gëzim për (vetë) vrasjen e gazetarit Kastriot Myftaraj.

Të dashur miq, Kastriot Myftaraj ishte një gazetar me prodhimtari të madhe i cili shkruante ato që mendonte për çdo njeri.

Edi Rama i kishte ngritur padi dhe e persekutonte pa mëshirë. Kastrioti u vra, apo vetëvra, disa ditë më parë. Në një akt amoral dhe cinizmi ekstrem tipik për njerëz shpirtkërmë, Erion Veliaj shpreh gëzim për vdekjen e Kastriotit. Por gëzimi i Erion Velisë dhe padia e Edi Ramës ndaj një njeriu, që thuhet se ka patur në të shkuarën probleme depresioni, ka ngjallur dyshime për shkakun e vertetë të vdekjes së tij, shkak të cilin i ndjeri Kastriot e merr me vete në varr.

Dënoj me ashpersinë më të madhe persekutimin e Kastriot Myftarajt për së gjalli dhe për së vdekuri, si një akt amoral çnjerëzor të dyshes Rama-Veliaj.

Lexoni reagimin e gazetarit ndaj aktit të urrejtjes së pakufishme të Velisë për vdekjen e gazetarit, Kastriot Myftaraj.

MAKABRITET/ Veliaj tallet me vdekjen e Myftarajt: Kush na shan le të hidhet nga ballkoni

Erion Veliaj tha se do të bënte nënshkrimin e një marrëveshjeje me një grup të rendësishëm turistik për kthimin në hotel të njërës prej ndërtimeve të larta në qendër të Tiranës.

Erion Veliaj dhe Kastriot Myftaraj

TIRANË- Kryebashkiaku i Tiranës, Erion Veliaj foli gjatë mbledhjes së sotme të Këshillit Bashkiak duke ironizuar edhe vdekjen e gazetarit Kastriot Myftaraj. Në fjalën e tij të Këshillit Bashkiak, Veliaj tha se do të bënte nënshkrimin e një marrëveshjeje me një grup të rendësishëm turistik për kthimin në hotel të njërës prej ndërtimeve të larta në qendër të Tiranës. E pikërisht në këtë moment lëshoi edhe "komentin" për gazetarin e ndjerë që vendosi t'i jepte fund jetës.

“Ua them këtë, për gjobaxhinjtë, se Tirana do të rritet. S’mund të themi duam turistë, por nuk kemi hotele, apo dua arsim profesional, por s’kam vende pune. Do hotele? Do i ndërtosh. Do arsim profesional? Do i gjesh vendin ku do të punojnë se s’ka se si të ndodhë ndryshe. Ne te kjo çështja e gjobave (të portaleve sh.r) nuk pyesim. Bëj ç’të duash, hidhu edhe nga ballkoni po deshe, siç po ndodh me këta të lajmeve të rreme dhe shpifjeve. Te ne funksionon: Më pyet, të përgjigjem, por me gjoba jo. Ua them këtë që të dini se çfarë vjen, nga tani deri në zgjedhje do të keni vetëm gjoba,”- tha Veliaj.

Myftaraj vendosi që t'i japë fund jetës së tij një javë më parë, pasi kishte marrë vesh se vuante nga një sëmundje e rëndë. Në gjendje të rëndë psikologjike, ai vendosi që t'i jepte fund jetës duke u hedhur nga kati i katërt i pallatit ku banonte.

© SYRI.net

Lexo edhe:

• Punë ka, por s’ka profesioniste/ Malltezi ka disa pyetje për bashkinë 2015-2018
• Rama i mban leksione gazetarie Fevziut: Rai3 më mori nëpër gojë mua dhe Engjëllin…
• Berisha: Asnjë pasuri e Veliajt dhe e bandës së tij nuk është sekuestruar, sepse i mbron Altin Dumani!