Lideri historik i demokratëve, Sali Berisha mori fjalën në Kuvend për të mbrojtur banorët që po protestojnë kundër prishjes së banesave.
Berisha tha se ata po mashtrohen në mënyrë skandaloze, pasi bashkia dhe qeveria nuk u ofron kontratë apo marrëveshje, por vetëm një vetëdeklarim.
“Vetëdeklarimi është një mekanizëm i turpshëm mashtrimi që përdoret ndaj tyre, që qeveria i trajton si armiq. Sillet ndaj tyre sikur është pushtuese. Sillet ndaj tyre duke dhunuar Kushtetutën, ligjet dhe të drejtën e posedimit.
Dua të sqaroj edhe njëherë qytetarët shqiptarë. Janë dhjetëra zona të zhvilluara në Tiranë nga ndërtuesit, por nuk kemi pasur protesta individuale ndaj tyre, sepse kanë ofruar kontrata dhe marrëveshje paraprake.
Qeveria nuk u ofron marrëveshje sepse do të vjedhë mbi trullin e tyre.
Ishin në plan të ndërtoheshin ndërtesa 7-katëshe, janë bërë 35-katëshe dhe prapë nuk ngopen duke vjedhur qytetarët.
Ky është një akt i turpshëm, në të cilin kreu i Meduzës dhe oligarkët e Lul Bravës janë bashkuar prej ryshfetit.
Ky parlament duhet të shkrihet, nuk meriton të ekzistojë nëse nuk mbron interesat e qytetarëve,” tha Berisha.
© SYRI.net
Maj 2024: Këto shenja do të kenë zhvillime në jetën e tyre profesionale
VIDEO/ Klodiana Lala zbulon për çfarë u pyet Erion Veliaj në SPAK: Ju bënë rreth 100 pyetje
VIDEO/ Armand Shkullaku: Erion Veliaj çuditet se ka gazetarë që nuk paguhen prej tij
Denonco
Merrni lajmet më të fundit nga SYRI.net në çdo moment dhe kudo që të jeni!
