Shfuqizojeni ‘non gratën’, z. Rubio

Nga Milaim Nela/

Administrata e re Amerikane dhe DASH (Departamenti i Shtetit) ka detyrim jo vetëm ndaj taksapagueseve të vet por edhe ndaj kombit shqiptar, si kombi më pro-Amerikan në botë;

- ose të heqë dezinjimin 'non-grata' ndaj Sali Berishës

- ose të bëjë publike provat që ka në dosjen e tij.

Çdo ditë që ky kufizim qëndron në fuqi është barrë e panevojshme si për vetë Shtetet e Bashkuara ashtu edhe për marrëdhëniet midis dy vendeve tona.

Ka ardhur koha që jo vetëm të dalë në dritë e vërteta e mbajtur fshehur prej kaq kohësh por mbi të gjitha të bëhet publike si u arrit deri në këtë pikë.

Një hetim i plotë do të siguronte jo vetëm shqiptarët por edhe taksapaguesit Amerikanë që turpe të tilla të mos përsëriteshin më.

Gjatë 10 viteve të fundit por sidomos në 5 vitet e fundit reputacioni i Shteteve të Bashkuara në Shqipëri por unë besoj fort se edhe interesat Amerikane në këtë vend janë dëmtuar si kurrë më parë.

Bësoj se edhe në kohën e komunizmit falë vendimeve tepër të dyshimta e pse jo të papërgjegjshme të administratës së kaluar Amerikane, Amerika nuk është urryer në këto nivele nga shqiptarët.

Duhet një epokë e re marrëdhëniesh dhe aleance mes dy vendeve tona.

Të mos humbim kohë.

© SYRI.net

Lexo edhe

• Intriga politike e non gratës pati fatin e tragjedisë Makbeth
• Rama një hu gardhi, që vetëm tangat i mungojnë!
• Diktatori i flamingove nuk mund të ndalojë fluturimin e lirë të shqiponjave