O Lajçak, Kosova nuk pranon dot të bëhet Çekosllvakia e vitit 1938

Vërejtje,
Edhe Hitlerit, në vitin 1938, ia dhanë "Asociacionin gjerman" në Çekosllovaki. Edhe atëherë Adolf Hitleri vajtonte për 'pozitën e vështirë e të pasigurtë' të gjermanëve në Sudetenland të Çekosllovakisë.

A ju kujtohet 30 shtatori i 1938-ës, kur Adolf Hitleri, Benito Musolini, Kryeministri francez Edouard Daladier dhe kryeministri britanik Chamberlain, nënshkruan "Paktin e Mynihut"; marrëveshje e cila vulosi fatin e Çekosllovakisë, duke themeluar dhe dorëzuar "Asociacionin gjerman" në Çekosllovaki Gjermanisë. Duhet nënvizuar se edhe ky "Asociacion një-etnik" u bë në "emër të ruajtjes së paqes".

Të dashura lexuese,

Të dashur lexues,

Burokracia Europiane, pra përfaqësuesi i BE-së, Miroslav Lajçak, (ky çekosllovaku) duhet ta kuptoj se gjashtë pikat, që sot i ka numëruar Kryeministri i pakorruptuar i Kosovës, z. Albin Kurti, vërtetë nuk janë të Albin Kurtit, por janë të shqiptarëve, jo vetëm të Republikës së Kosovës por, të të gjithë shqiptarëvet ku jetojnë në Ballkan e jasht sajë. 
O Lajçak,
janë hiq më pak se 8 milionë shqiptarë që qëndrojnë pas kompromisit të madh, e të dhimbshëm, 6 pikësh.
Ta kesh parasyshë; 
të gjashtë pikat shumë shpejtë mund të bëhen 12 pika, prandaj duhet analizuar dhe matur mirë e mirë seriozitetin e 6 pikave të Kurtit (shqiptarëve), sepse ky model jodemkratik e hitlerian na kujton aneksimin e Sudetenlandit nga Gjermania, i njohur edhe si Pakti i Mynihut (1938), ku udhëheqësit e Britanisë, Francës, Italisë dhe Gjermanisë ranë dakord për aneksimin gjerman të Sudetenland (Çekosllovakisë) në këmbim të një premtimi paqeje nga Hitleri. 

Hitleri u betua dhe dha garanci se me kaq do të pushojnë kërkesat e tijë naziste e nacionaliste. 
Pse ky krahasim i Hitlerit me Vuçiqin

U tha më sipër se më 30 shtator 1938, Hitleri, Musolini, Kryeministri francez Daladier dhe kryeministri britanik Chamberlain nënshkruan "Paktin e Mynihut", (Asociacionin gjerman në Çekosllovaki), i cili vulosi fatin e Çekosllovakisë, dhe kështu ia dorëzuan, edhe praktikisht, Çekosllovakinë Gjermanisë, dhe e tëra kjo u bë në "emër të ruajtjes së paqes".

Të nderuar lexues,

Por ky "asociacion" nuk e kënaqi Vuciqin, më falni Hitlerin. Pas "Anschlussit" të Republika Srbska në Serbi -të më falni- të Austrisë në Gjermaninë naziste, në mars të 1938, pushtimi dhe shpërbërja e Çekosllovakisë u bë ambicia tjetër e Hitlerit, të cilën, siq u tha më sipër, ai e fitoi me Marrëveshjen e korruptuar të Mynihut në shtator 1938. Vuçiq, -më falni- Adolf Hitleri e justifikoi pushtimin në Çekosllovaki, me vuajtjet e supozuara të serbëve, - të më falni - të gjermanëve etnikë që jetonin në këto rajone çekosllovake.
Kur Vuçiq,- gabim përsëri nga ana ime, kërkoj ndjesë-, pra kur Adolf Hitleri erdhi në pushtet, ai donte të bashkonte të gjithë gjermanët në një shtet. 

Me diplomacinë e tij, me mediat që i kishte nën kontrrollë, ai në vitin 1938 arriti të kthejë vëmendjen e Kancelarive Europiane tek tre milionë serbë, - më falni-, tek tre milonë gjermanë që jetonin në një pjesë të Kosovës, jo, jo të Kosovës, por të Çekosllovakisë të quajtur 'Kosova Veriore', - prap lëshim nga ana ime-, të quajtur, Sudetenland. 

Serbët e Kosovës, - të më falni përsëri për gabimin-, dua të them gjermanët sudetë, filluan protestat dhe provokuan dhunë tek policia e Kosovës, - lapsus nga ana ime përsëri -, mendova tek policia çeke. Historia dihet, Hitleri nuk ngopet me "Asociacionin gjerman" të Çekosllovakisë dhe kështu sulmon edhe Poloninë dhe fillon gjakderdhja e madhe, ku humbën jetën më shume se 60 milonë njerëz....
O Lajçak,

Kosova nuk pranon dot të bëhet Çekosllvakia e vitit 1938, edhe pse rreziku është i madh, sepse ketu në Ballkan kemi një Adolf Hitler në fjetje dhe një grusht burokratësh sikurse që je edhe ti, papagalli Lajçak.
Konsekuent deri në fund: Asociacioni serb në Kosovë, mund të lindë shumë shpejtë edhe asociacionin shqiptar në Shkupin e Nënë Terezës, në Nokshiqin e Esat dhe Hasan Mekulit, në Luginën e Ridvan Qazimit, e në Çamërinë e Ali Demit.

- A ja vlenë i gjithë ky termet politik e ushtarak për të ngopur apetitet nacionaliste e fashiste të serbomëdhenjëve të Beogradit?
                                

© SYRI.net

Lexo edhe

• “Zonja e hekurt”, Presidentja Osmani, plandosi Vuçiqin dhe i doli hakut Sandulloviqit
• Reportazhi i RAI 3 – prova e pakontestueshme se Shqipëria drejtohet nga një kryemafioz?
• Pse nga tronditi emisioni i RAI 3?