Dega Regjionale e Odës së Avokatëve në Gjilan, në Kuvendin Zgjedhor kanë zgjedhur kryetarin, nënkryetari, sekretarin dhe delegatët e kësaj dege. Në procesin e votimit kanë marrë pjesë 84 avokatë sa kanë qenë pjesëmarrës në këtë kuvend nga 95 avokatë sa i ka gjithsej kjo degë.
Kryetari i OAK-së Osman Havolli përshëndeti punimet e këtij Kuvendi duke uruar që procesi zgjedhor të shkoj në mënyrë sa më demokratike duke theksuar se Oda e Avokatëve duhet të jetë në funksion të zbatimit të misionit të saj.
Avokatët e Degës Regjionale në Gjilan vendosen përmes votimit se në mandatin e ardhshëm këtë degë do ta udhëheq avokat Flamur Ahmeti i cili u zgjodh kryetar i Degës, me shumicë votash, ndërsa kundërkandidate ishte avokatja Elvira Haziri.
Po ashtu, avokatët gjatë kuvendit kanë zgjedhur edhe anëtarët e kryesisë së Degës Regjionale në Gjilan. Nënkryetare e Degës Regjionale në Gjilan u zgjodh av. Fjolla Ukshini pas votimit ndërsa pretendent për këtë pozitë ishte i propozuari av. Ilir Rashiti, ndërsa për sekretar me aklamacion është zgjedhur avokati, Granit Ramadani.
Avokatët e Regjionit në Gjilan zgjedhën 8 (tetë) delegatët e saj të cilët do të përfaqësojnë në Kuvendin e Përgjithshëm të Odës së Avokatëve të Kosovës.
Oda e Avokatëve të Kosovës në mënyrë transparente dhe demokratike është duke i mbajtur zgjedhjet edhe në Degët tjera Regjionale. Kryetarët e zgjedhur të Degëve Regjionale janë edhe anëtarë të Këshillit Drejtues të Odës së Avokatëve të Kosovës.
© SYRI.net
Gjendet pa shenja jete një 56 vjeçar në Fushë-Kosovë
Ambasadori britanik në Beograd: Duam ta shohim Asociacionin teksa formohet sa më shpejt të jetë e mundur 
Më 1 maj SBAShK-u organizon protestë para Qeverisë
Denonco
Merrni lajmet më të fundit nga SYRI.net në çdo moment dhe kudo që të jeni!
