Partitë Popullore Europiane kanë miratuar një tjetër rezolutë për situatën në Shqipëri. PPE shpreh shqetësimin për rënien e demokracisë në Shqipëri, mbështet protestat qytetare dhë kërkon plotësimin e kërkesave të tyre. Rezoluta e bazuar në raportet ndërkombëtare dhe Misionin e PPE në Shqipëri kërkon marrjen e masave për garantimin e zgjedhjeve të lira në Shqipëri nëpërmjet një qeverie teknike apo kujdestare.
SYRI TV
Asambleja Politike e Partive Popullore Europiane ka miratuar një tjetër rezolutë pr situatën në Shqipëri. Teksa vë në dukje rënien e demokracisë, kapjen e shtetit, korrupsionin e përhapur, ndikimi kriminal, përqendrimi i pushtetit, dhe dobësimin e zbatimit të ligjit, PPE kërkojnë nëpërmjet kësaj rezolute ndryshimin e menjëhershëm të situatës.
Duke qenë se, pavarësisht shtypjes politike, presionit gjyqësor dhe arrestimeve të udhëheqësve të opozitës, opozita demokratike ka mbetur e përkushtuar për të mbrojtur pluralizmin, demokracinë dhe të ardhmen evropiane të Shqipërisë; Duke qenë se dhjetëra mijëra qytetarë shqiptarë po protestojnë paqësisht në mbrojtje të demokracisë, transparencës, të drejtave të pronës, mbrojtjes së mjedisit dhe sundimit të ligjit; Duke qenë se Rezoluta e Parlamentit Evropian e 17 qershorit 2026 bëri thirrje për shfuqizimin e ndryshimeve në Ligjin për Zonat e Mbrojtura dhe një moratorium të menjëhershëm për zhvillimin në zonat e mbrojtura derisa të sigurohet përputhshmëria me standardet mjedisore të BE-së; Duke qenë se protestuesit paqësorë janë përballur me fyerje, kërcënime, fushata shpifjesh dhe veprime ligjore; Asambleja politike e PPE Shpreh shqetësim të thellë për prapambetjen e vazhdueshme demokratike në Shqipëri, dobësimin e institucioneve demokratike, sundimin e ligjit, mbikëqyrjen parlamentare, transparencën, llogaridhënien dhe ndarjen e pushteteve.
Riafirmon se demokracia kërkon pluralizëm, zgjedhje të lira dhe të ndershme, një ndarje të qartë midis shtetit dhe partisë, mbikëqyrje efektive parlamentare, një gjyqësor të pavarur, media të lira dhe pjesëmarrje kuptimplote të opozitës.
Njëh angazhimin e vazhdueshëm të opozitës demokratike për të mbrojtur rendin kushtetues, liritë demokratike dhe të ardhmen evropiane të Shqipërisë, pavarësisht presionit dhe persekutimit të paparë politik.
Partitë Popullore Europianë në këtë rezolutë kanë shprehur mbështetjen ndaj protestës një mujore të qytetarëve shqiptarë dhe kërkojnë shqyrtimin e kërkesave të tyre si dhe ndalimin e përpjekjeve për të intimiduar dhe friksuar protestuesit.
Shpreh solidaritet me mijëra qytetarë që protestojnë paqësisht dhe riafirmon se e drejta për tubim paqësor është një liri themelore demokratike. Njeh legjitimitetin e shqetësimeve dhe kërkesave të ngritura nga opozita dhe protestuesit paqësorë, duke përfshirë llogaridhënien politike, një reformë zgjedhore të vërtetë dhe gjithëpërfshirëse, një ndarje të qartë midis shtetit dhe partisë, hetim efektiv ndaj korrupsionit të nivelit të lartë, ndjekjen penale dhe ndëshkimin e krimeve zgjedhore, shfuqizimin e legjislacionit dhe praktikave qeveritare në kundërshtim me interesin publik dhe mbrojtjen e të drejtave mjedisore, të zonave të mbrojtura, kulturore dhe të pronës.
Dënon të gjitha përpjekjet për të frikësuar, ndjekur penalisht ose heshtur protestuesit paqësorë, gazetarët, aktivistët mjedisorë, ekspertët dhe përfaqësuesit e shoqërisë civile që ushtrojnë të drejtat dhe liritë e tyre demokratike.
Bazuar në gjetjet e raportit të OSBE-ODIHR, dhe garantimit të zgjedhjeve të drejta, PPE rekomandon zbatimin e kërkesës për një qeveri kujdestare a teknike, që do të rivendoste besimin e publikut dhe do të garantonte një garë të barabartë.
Përshëndet përfundimet e Misionit të Vizitave Studimore të PPE-së që rekomandojnë një dialog politik gjithëpërfshirës, me mbështetjen e partnerëve evropianë, aty ku është e përshtatshme, mbi mekanizmat e aftë për të siguruar një ndarje të qartë midis institucioneve shtetërore dhe partive politike gjatë periudhave zgjedhore. Diskutime të tilla mund të mbështeten në praktikat demokratike, duke përfshirë rregullimet qeveritare kujdestare ose teknike, për të rivendosur besimin e publikut, për të mbrojtur neutralitetin institucional dhe për të siguruar kushte të barabarta për të gjithë garuesit politikë.
U bën thirrje të gjitha palëve të angazhohen në dialog të vërtetë, të zbatojnë rekomandimet e ODIHR-it, Parlamentit Evropian dhe Misionit të Vizitave Studimore të PPE-së, dhe të ndërmarrin reformat e nevojshme për të rivendosur besimin e publikut dhe për të siguruar zgjedhje të besueshme në të ardhmen.
Në rezolutë PPE I bën thirrje Komisionit Evropian, APKE-së dhe institucioneve të BE-së të vazhdojnë të monitorojnë nga afër zhvillimet në Shqipëri dhe të sigurojnë që progresi në procesin e pranimit në BE të mbetet i lidhur fort me demokracinë, sundimin e ligjit, të drejtat themelore, mbrojtjen e mjedisit dhe pjesëmarrjen publike. Kjo rezolutë është bazuar mbi gjetjet e raportit të Transparency International, Raporti i Demokracisë V-Dem, Raporti Përfundimtar i ODIHR-it mbi zgjedhjet parlamentare të vitit 2025 si dhe Misionin e Vizitave Studimore të PPE-së në Shqipëri.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
U godit nga rrufeja: Qasja në vendin ky u mbyt 26-vjeçari ishte e vështirë
E trishtë: Ky është i riu që vdiq pasi u godit nga rrufeja në Suharekë
Osmani për pritjen në ambasadën amerikane: Për 250 vjetorin e shtetit që na u gjend pranë në kohë të vështira