Profesor i Universitetit të Prishtinës, Bardhyl Hasanpapaj, i është bashkuar listës së Vjosa Osmanit. Lajmin e ka bërë të ditur vetë Osmani përmes një postimi në rrjetet sociale, ku ka ndarë edhe kujtime nga njohja e tyre e hershme që nga koha e studimeve.
“Jam e lumtur që edhe sot kemi pranë njerëz si Bardhyl Hasanpapaj, që me dije, integritet dhe përkushtim i japin forcë vizionit tonë për të ardhmen”, ka shkruar Osmani.
Ajo ka treguar se rrugëtimi i tyre i përbashkët nisi në vitin 2001, kur përfaqësonin Universitetin e Prishtinës në gara ndërkombëtare të drejtësisë.
Sipas Osmanit, Hasanpapaj ka specializuar në të Drejtën Evropiane dhe Ndërkombëtare në Universitetin e Bremenit në Gjermani, ndërsa doktoraturën e ka përfunduar në Universitetin e Firenzes në Itali. Ajo ka vlerësuar kontributin e tij profesional në projekte të rëndësishme për organizata ndërkombëtare si BE, USAID, NDI, NCSC, IFC dhe EBRD.
“Përkundër të gjitha arritjeve, Bardhyli ka mbetur njeri i thjeshtë, mik i mirë dhe profesionist që nuk u largua kurrë nga dëshira për t’i dhënë Kosovës më shumë”, ka theksuar Osmani.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër
VIDEO LIVE/ Protestuesit nisin marshimin dhe rrethojnë kryeministrinë