Kryeministri në detyrë, Albin Kurti, ka zhvilluar të hënën një takim të përbashkët me ambasadorin e Mbretërisë së Bashkuar, Jonathan Hargreaves dhe atë të Suedisë, Jonas Westerlund.
Siç ka njoftuar Kryeministria, në këtë takim janë diskutuar çështje aktuale politike, përmbyllja e procesit zgjedhor të 28 dhjetorit dhe hapat drejt formimit të institucioneve të reja.
Po ashtu, thuhet se palët kanë biseduar për prioritetet e qeverisë së ardhshme dhe për forcimin e bashkëpunimit në fusha me interes të përbashkët.
“Në takim kryeministri theksoi përkushtimin ndaj sundimit të ligjit gjithandej Kosovës pa diskriminim e privilegje për të gjithë qytetarët dhe komunitetet”, thuhet në njoftim.
Ai thuhet se ka vënë në pah edhe rëndësinë e rritjes së vazhdueshme ekonomike, progresit shoqëror dhe avancimit demokratik të vendit, si dhe angazhimin për paqe e siguri me rend publik dhe kufij të mbrojtur dhe integrimin në Bashkimin Evropian dhe NATO.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Prishtinë: Sulmohet seksualisht një grua, rastin e raporton një burrë
Pejë: Kanosi me vrasje 4 policë, përfundon në pranga i dyshuari
Nënsekretari i OKB-së nis sot vizitën dyditore në Kosovë