Deputeti Bardh Spahia ka denoncuar përdorimin e gazit lotsjellës me datë skadence Korrik 2023 ndaj protestuesve në vitin 2026, duke e cilësuar këtë veprim si akt kriminal dhe rrezik serioz për jetën e qytetarëve. Sipas tij, gazi i skaduar degjeneron në substanca tejet toksike dhe përdorimi i tij përbën shkelje të rëndë të protokolleve ndërkombëtare dhe të Konventës Europiane për të Drejtat e Njeriut. Spahia kërkon ndërprerjen urgjente të kësaj praktike dhe përgjegjësi penale deri te krye-urdhëruesit.
Reagimi i plotë:
Përdorimi i gazit të skaduar është akt kriminal dhe tentativë për helmim masiv!
Fotot flasin vetë dhe dëshmia është tronditëse.
Përdorimi i gazit lotsjellës me datë skadence Korrik 2023 (siç shihet qartë në kanisterin e prodhuar nga SMD) ndaj qytetarëve dhe protestuesve paqësorë në vitin 2026, nuk është më "masë policore". Ky është një akt kriminal i vetëdijshëm që rrezikon drejtpërdrejt jetën e njerëzve dhe tentativë vrasje masive.
Kjo nuk është shpërndarje turme. Kjo është lojë me jetën e qytetarëve për të mbrojtur narko-qeverinë.
Transformimi nga "Jo-vdekjeprurës" në "Toksik Vdekjeprurës".
Kur gazi CS skadon, ai nuk humbet thjesht fuqinë. Ai degjenërohet kimikisht. Përbërësit e tij shpërbëhen në substanca tejet toksike, përfshirë okside cianidi dhe fosgjen. Policia kriminale përdori sot helme që mund të shkaktojnë dëme të pariparueshme në mushkëri, asfiksi të rëndë dhe, në rastet më të këqija, vdekje. Të përdorësh këtë lëndë ndaj një popullsie civile është baraz me përdorimin e armëve kimike të ndaluara.
Përveç helmit, një kanister i skaduar prej vitesh është një granatë e paparashikueshme. Mekanizmat e tij janë të degraduar. Në vend që të tymosë, ai mund të shpërthejë duke lëshuar copa metali (shrapnel) ose të kthehet në një predhë të ngurtë që thyen kocka dhe kafka. Të qëllosh me këtë mjet ndaj njerëzve të pambrojtur është tentativë vrasjeje.
Protokollet ndërkombëtare e ndalojnë rreptësisht përdorimin e municioneve të skaduara.
Kushdo që ka dhënë urdhrin për shpërndarjen dhe përdorimin e këtyre armëve, ka firmosur një urdhër për dëmtimin e shëndetit publik.
Ky veprim kriminal është gjithashtu një dhunim flagrant i Nenit 3 të Konventës Europiane mbi të Drejtat e Njeriut.
Kjo praktikë barbare dhe kriminale nga policia e narko shtetit duhet të ndërpritet urgjentisht dhe drejtuesit përgjegjës deri tek krye urdhëruesi Rama duhet të përballen me drejtësinë dhe reagimin qytetar!
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Pejë: Kanosi me vrasje 4 policë, përfundon në pranga i dyshuari
Nënsekretari i OKB-së nis sot vizitën dyditore në Kosovë
Aksidenti tragjik u mori jetën dy motrave nga Kosova: Policia gjermane jep detaje 