Radoniqi: Procesi i votimi i qetë dhe pa pengesa, ku ka parregullësi po trajtohen me shpejtësi

Në konferencën e radhës të mbajtur nga KQZ-së, Kryetari Kreshnik Radoniqi tha se deri tani procesi i votimit po zhvillohet qetë dhe pa pengesa.

Radoniqi theksoi se deri në ora 15:00 kanë votuar 510 mijë e 525 votues nga 2 milion e 25 mijë e 124 votues.

“Procesi i votimit deri tani po zhvillohet në mënyrë të qetë dhe pa pengesa. Deri tani nuk janë evidentuar parregullsi që do të ndikonin në integritetin apo rrjedhjen e zgjedhjeve. Në të gjitha rastet ku ka parregullsi KQZ është duke i trajtuar me kohë dhe duke i dhënë zgjidhje. Duke u mbështetur në të dhënat preliminare numri i qytetarëve deri në orën 15:00 është 510 mijë e 525 votuar apo 25.21 %.”, tha Radoniqi.

“Në zgjedhjet lokale të vitit 2021 kishin votuar 499 mijë e 828 votues nga 1 milion e 885 mijë e 448 votues”, shtou tutje ai.

Konferenca e radhës në ora 19:30.

© SYRI.net

Lexo edhe:

• “U shkatërruam, zemra mu thye – do t’i varrosim në Kosovë”, flet babai i vajzave që vdiqën në Gjermani
• Mbi 300 dënime për shoferët që tejkaluan shpejtësinë dhe përdorën telefonat në Ferizaj
• Kurti s’deklarohet a do të bëjë marrëveshje, ‘komunikimet i fillon pas certifikimit të rezultateve’