Osmani për mandatimin e Kurtit: Uroj që Kosova sa më parë të ketë Qeveri me mandat të plotë kushtetues

Presidentja Vjosa Osmani i ka uruar sukses kryetarit të VV-së, Albin Kurti, në formimin e Qeverisë së re.

Pasi e ka dekretuar Kurtin si mandatar, ajo ka uruar që Kosova sa më parë të ketë Qeveri me mandat të plotë kushtetues.

Ajo në Facebook ka shkruar se uron që në qeverinë e re të merren vendime për të mirën e vendit dhe të gjithë qytetarëve tanë.

“Sot, në përputhje me kompetencat kushtetuese, kam mandatuar Kryeministrin në detyrë, z. Albin Kurti, mandatar për formimin e Qeverisë së Republikës së Kosovës. Uroj që Republika e Kosovës sa më parë të ketë Qeveri me mandat të plotë kushtetues, ku do të merren vendime për të mirën e vendit dhe të gjithë qytetarëve tanë”, ka shkruar Osmani.

© SYRI.net

Lexo edhe:

• “U shkatërruam, zemra mu thye – do t’i varrosim në Kosovë”, flet babai i vajzave që vdiqën në Gjermani
• Mbi 300 dënime për shoferët që tejkaluan shpejtësinë dhe përdorën telefonat në Ferizaj
• Kurti s’deklarohet a do të bëjë marrëveshje, ‘komunikimet i fillon pas certifikimit të rezultateve’