Abdixhiku: Rruga për formimin e Qeverisë është tashmë e hapur, Kurti le ta dëshmojë se a i ka votat

Kryetari i Lidhjes Demokratike të Kosovës, Lumir Abdixhiku, ka dalë me një reagim pasi partia e tij dha votën pro Nenad Rashiqit, që mundësoi edhe zgjedhjen e tij si nënkryetar i Kuvendit nga radhët e komunitetit serb, duke thënë se aktgjykimi i fundit i Gjykatës Kushtetuese ka hapur rrugë për zgjedhjen e nënkryetarit të pestë dhe për konstituimin e Kuvendit.

Abidxhiku ka deklaruar rruga për formimin e Qeverisë tashë është e hapur dhe se është koha që Albin Kurti dhe Vetëvendosja të dëshmojnë nëse i kanë votat, shkruan Reporteri.net.

“LDK-ja vlerëson se mbajtja e vendit të bllokuar për më shumë se pesë muaj, për një pozitë tërësisht formale dhe të parëndësishme, ka qenë akt i papërgjegjshëm, që ka dëmtuar interesin e Republikës. E vetëdijshme se debati i paqenë mbi Listën Serbe dhe veton e saj në procesin e konstituimit të kuvendit, ishte kthyer në temë elektorale, LDK-ja vendosi ta largojë këtë çështje nga axhenda politike dhe institucionale, duke i hapur rrugë procesit kushtetues dhe institucional të vendit”, ka shkruar Abdixhiku.

Sipas tij, me këtë veprim, u zhbllokua procesi për themelimin e institucioneve të reja, si dhe “u parandaluan shkeljet e reja kushtetuese të Grupit parlamentar të Vetëvendosjes, përfshirë uzurpimin e institucioneve nga një qeveri pa legjitimitet dhe pa autorizime ligjore e kushtetuese”.

“LDK, edhe një herë, siç i takon e siç beson, shfaqet si parti përgjegjëse drejt institucioneve dhe vet Republikës”, ka shkruar Abdixhiku.

Emri i Nenad Rashiq u hodh në votim pasi asnjë nga propozimet e Listës Serbe nuk mori votat e nevojshme

© SYRI.net

Lexo edhe:

• “U shkatërruam, zemra mu thye – do t’i varrosim në Kosovë”, flet babai i vajzave që vdiqën në Gjermani
• Mbi 300 dënime për shoferët që tejkaluan shpejtësinë dhe përdorën telefonat në Ferizaj
• Kurti s’deklarohet a do të bëjë marrëveshje, ‘komunikimet i fillon pas certifikimit të rezultateve’