Basha: Kemi dy javë afat për mandatarin për kryeministër

Kryeparlamentari Dimal Basha ka deklaruar se me konstituimin e Kuvendit, janë dy javë afat për mandatarin për kryeministër.

Basha tha se me konstituimin e Kuvendit, tashmë nis rrjedhja e afatit për formimin e Qeverisë.

“Ne kemi një Kuvend të konstituar, shpresoj të formohet edhe Qeveria. Tani rrjedhin afatet. Tani nuk mund të bllokohen afatet. I kemi dy javë afat për kandidatin e parë dhe për këtë duhet t’i drejtoheni subjektit të parë”, tha Basha.

Sipas Bashës, procedura për zgjedhjen e nënkryetarit serb e më pas shpallja e Kuvendit të konstituuar ka qenë në rregull.

Ai ka thënë se me 71 votat e deputetëve është legjitimuar konstituimi.

“Mendoj që ka qenë një procedurë e rregullt, e mirë dhe gjithçka ka shku mirë”, deklaroi ai para mediave.

Ai ka shtuar se mbetet në të drejtën e secilës parti t’i drejtohet Gjykatës Kushtetuese nëse ka dyshime. Për këtë ngriti dyshime kreu i PDK’së, Memli Krasniqi./Reporteri

© SYRI.net

Lexo edhe:

• “U shkatërruam, zemra mu thye – do t’i varrosim në Kosovë”, flet babai i vajzave që vdiqën në Gjermani
• Mbi 300 dënime për shoferët që tejkaluan shpejtësinë dhe përdorën telefonat në Ferizaj
• Kurti s’deklarohet a do të bëjë marrëveshje, ‘komunikimet i fillon pas certifikimit të rezultateve’