Kushtetuesja: Detyrim kushtetues përfaqësimi i komuniteteve në Kuvend dhe në Kryesinë e tij

Gjykata Kushtetuese në Aktgjykimin të publikuar sot lidhur me kërkesën e Listës Serbe për zgjedhjen e nënkryetarit të Kuvendit të Kosovës nga radhët e komunitetit serb, në pikën 156 ka theksuar se përfaqësimi i komuniteteve që nuk janë shumicë në Kuvend, përfshirë edhe në Kryesinë e tij, është detyrim kushtetues.

Sipas Kushtetueses, nëse Kuvendi nuk arrin të zgjedhë nënkryetarin nga radhët e komunitetit serb, Kryesia do të mbetet e paplotë dhe në kundërshtim me Kushtetutën. 

Zgjedhjen nënkryetarit nga komuniteti serb, Kushtetuesja e ka vlerësuar si parakusht të domosdoshëm për konstituimin e plotë të Kuvendit të Kosovës.

“156. Ashtu siç u theksua më lart, përfaqësimi i komuniteteve që nuk janë shumicë në Kuvend përfshirë edhe në Kryesinë e Kuvendit është detyrim kushtetues. Nëse Kuvendi nuk arrin të zgjedhë nënkryetarin nga radhët e deputetëve të komunitetit Serb, Kryesia e saj do të ishte e paplotë dhe jokushtetuese. Në këtë kontekst, zgjedhja e nënkryetarit të Kuvendit nga komuniteti Serb si anëtar i domosdoshëm i Kryesisë së Kuvendit, është parakusht për konstituimin e Kuvendit”, thuhet në Aktgjykim.

© SYRI.net

Lexo edhe:

• “U shkatërruam, zemra mu thye – do t’i varrosim në Kosovë”, flet babai i vajzave që vdiqën në Gjermani
• Mbi 300 dënime për shoferët që tejkaluan shpejtësinë dhe përdorën telefonat në Ferizaj
• Kurti s’deklarohet a do të bëjë marrëveshje, ‘komunikimet i fillon pas certifikimit të rezultateve’