Tetori, muaj i ndërgjegjësimit për kancerin e gjirit

Tetori, në të gjithë botën është muaji i ndërgjegjësimit për zbulimin e hershëm të kancerit të gjirit.

Muaji i ndërgjegjësimit për kancerin e gjirit është një fushatë vjetore ndërkombëtare që synon të shpërndajë informacion dhe të edukojë njerëzit për rëndësinë e shëndetit të gjirit, për zbulimin e hershëm të kancerit të gjirit te gratë dhe vajzat në të gjithë botën.

Çdo vit, kjo fushatë fillon më 1 tetor dhe përfundon më 31 tetor.

Fushata organizohet edhe për të mbledhur fonde për kërkime shkencore për zbulimin e shkaqeve, parandalimin, diagnozën dhe trajtimin e këtij kanceri. Fushata gjithashtu ofron informacion dhe mbështetje për femrat që janë të prekura nga kanceri i gjirit.

Aktualisht nuk ka njohuri të mjaftueshme për shkaqet e kancerit të gjirit, prandaj zbulimi i hershëm i sëmundjes mbetet guri themelor i kontrollit të kancerit të gjirit. Kur kanceri i gjirit zbulohet herët, ekzistojnë mundësitë që kanceri i gjirit të shërohet.

Në vitin 1993, Fondacioni i kërkimeve mbi kancerin, themeloi fjongon rozë si simbol të kancerit të gjirit, edhe pse kjo nuk ishte hera e parë që kjo fjongo u përdor për të simbolizuar kancerin e gjirit; në vjeshtën e vitit 1991, Fondacioni Susan G. Komen kishte shpërndarë fjongo rozë për pjesëmarrësit në një garë në Nju Jork për të mbijetuarit e kancerit të gjirit.

Që atëherë, fjongoja rozë u bё simboli ndёrkombёtar i ndёrgjegjësimit ndaj kancerit tё gjirit dhe i mbёshtetjes sё personave qё e vuanin atё.

Çdo Tetor me qindra e mijёra produkte tё pajisura me fjongon rozё, apo tё ngjyrosura me rozё, shёrbejnё si simbolikё dhe shiten me qëllim qё njё pjesё e vogёl e të ardhurave tё grumbulluara tё jepet si donacion pёr tё mbёshtetur kёrkimet apo fushatat ndërgjegjësuese tё kancerit tё gjirit. 

© SYRI.net

Lexo edhe:

• Valentina Sopjani dhe Agron Maxhuni zgjidhen anëtarë të Këshillit Gjyqësor të Kosovës
• LDK-ja shpreh gatishmëri për bashkëpunim me VV-në, Kurti pret certifikimin e rezultatit zgjedhor
• Mbi 6 mijë qytetarë mbetën pa patentë shoferë gjatë këtij viti