Presidentja e Republikës së Kosovës, Vjosa Osmani i ka thirrur në një takim konsultativ për sot liderët e partive politike në vend, për të diskutuar rreth caktimit të datës për zgjedhjet lokale.
Caktimi i datës për mbajtjen e zgjedhjeve lokale në Kosovë pritet të bëhet pas këtij konsultimi që presidentja pritet ta ketë me krerët e partive politike.
Lajmin për gazetën online Reporteri.net e ka konfirmuar ditën e djeshme këshilltari për media i presidentes Osmani, Bekim Kupina.
“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, ka thënë Kupina për Reporteri.net.
Ky takim vjen ndërkohë që Kosova ndodhet në një ngërç institucional, pa Kuvend të konstituuar, tre muaj nga mbajtja e zgjedhjeve parlamentare.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Përleshje në Prishtinë: Policët jashtë detyrës zyrtare ndërhyjnë për të neutralizuar situatën
Ministria e Infrastrukturës dështon në komunikim: Njoftime zyrtare plot gabime drejtshkrimore
LIVE/ 'Rama jepe dorëheqjen!' Vijon protesta qytetare