Kurti nga Babaj i Bokës ia shuan shpresat për kryeparlamentar Limajt: E kemi dhënë propozimin tonë

Kryeministri në detyrë, Albin Kurti, është pyetur në Babaj të Bokës nga gazetarët për bllokadën në Kuvendin e Kosovës. 

“Kuvendi duhet të konstituohet. Kosova nuk ka kuvend, por Kosova ka qeveri, Kosova ka stabilitet dhe sidomos ju po e shihni sot si Kosova ka ushtri”, tha ai.

Kurti ia ka shuar shpresat për kryetar të parlamentit, kreut të NISMA’s, Fatmir Limaj.

“Ne e kemi dhënë propozimin tonë”, tha Kurti kur u pyet nga gazetarët nëse do ta propozojnë Limajn për kryeparlamentar.

Ndryshe, kreu i Nismës Socialdemokrate, Fatmir Limaj, të hënën ka thënë se është i gatshëm për të kontribuuar në ndërtimin e një marrëveshje politike që do të zhbllokonte situatën e krijuar dhe do të krijonte stabilitet, shkruan Reporteri.net.

Ai ka përmendur sërish kushtin e tij për pozitën e Kryetarit të Kuvendit.

“Siç kam deklaruar edhe më parë publikisht, NISMA Socialdemokrate ka ofruar partneritet në kuadër të Kuvendit për të garantuar funksionalitet institucional. Ne kemi qenë dhe jemi të gatshëm për të kontribuar në ndërtimin e një marrëveshjeje politike që e zhbllokon situatën dhe garanton stabilitet. Qytetarët presin zgjidhje dhe qeverisje, jo krizë të përhershme. Kosova ka nevojë për i
Deklarata e Limajt vjen pas takimit që ka pasur me përfaqësues të Institutit Demokratik të Kosovës (KDI) dhe organizatave të tjera të shoqërisë civile.

© SYRI.net

Lexo edhe:

• Përleshje në Prishtinë: Policët jashtë detyrës zyrtare ndërhyjnë për të neutralizuar situatën
• Ministria e Infrastrukturës dështon në komunikim: Njoftime zyrtare plot gabime drejtshkrimore
• LIVE/ 'Rama jepe dorëheqjen!' Vijon protesta qytetare