Fatmir Limaj thërret konferencë për media

Kryetari i Nismës, Fatmir Limaj sot do të mbajë konferencë për media nga ora 16:00.

Në njoftim nuk është bërë e ditur arsyeja e konferencës.

“Kryetari i NISMA Socialdemokrate, Fatmir Limaj mban sot (22.05.2025)  konferencë për media! Konferenca mbahet në selinë qendrore të Nismës në ora 16:00.”

Konferenca vjen dy ditë pasi kryetari i Lëvizjes Vetëvendosje, Albin Kurti, ka konfirmuar për herë të parë mbrëmë se ka pasur disa takime me kryetarin e Nismës Socialdemokrate, Fatmir Limaj.

Kurti tha se kanë dështuar të arrijnë marrëveshje, shkaku i një parakushti të Limajt që ta kenë pozitën e Kryeparlamentarit.

Ai shprehu interesim për një koalicion me Limajn, në këmbim të ministrive, shkruan Reporteri.net.

“Unë jam shumë i interesuar që të bashkëqeverisim, pra që ata të kenë Ministri në Qeveri”, tha Kurti.

Sipas tij, një parti me tre deputetët s’mund ta ketë pozitën e Kreut të Kuvendit.

Nga Nisma reaguan dje duke thënë se thënë se pesha e një lideri nuk varet nga numrat, por pesha që ka si lider dhe Limaj ka dhënë kontribut të çmueshëm, si gjatë çlirimit të vendit ashtu edhe në formimin e institucioneve.

© SYRI.net

Lexo edhe:

• Barbano: Në thelb të misionit EULEX, qytetarët e Kosovës
• Skandali/ Taulant Balla paralajmëron deklaratë të Organizatës së Veteranëve të UÇK-së
• KQZ: Gati t’i shpallim rezultatet përfundimtare pasi të përfundojnë ankesat