'Zarfa me 'postën e Ramës', thasët e Taulantit dhe humbja e mandatit në Vlorë'/ Zhupa: Me zë dhe figurë ja si u shkatërrua vota e diasporës

Drejtuesja politike e PD për Sarandën, Ina Zhupa, ngre alarmin për manipulimin e votës së diasporës

Drejtuesja politike e Partisë Demokratike për Sarandën, Ina Zhupa, në një postim në rrjetin social Facebook, ka denoncuar ashpër procesin e votimit të diasporës, duke deklaruar se ai është shkatërruar qëllimisht dhe me skema të dyshimta. Zhupa thekson se zarfat e votave nuk kanë ardhur sipas kontratës përmes DHL, por përmes "Postës së Ramës" dhe mjeteve të tjera të paautorizuara, siç i quan ajo, "thasët e Taulantit".

'Ky proces i deformuar përkon me deklaratat e mëhershme për manipulime dhe ndërhyrje në votim, duke minuar seriozisht integritetin e të gjithë procesit zgjedhor.'- cilësoi ajo

Zhupa shprehet se nga këto "vota të thasëve", Partia Demokratike ka humbur një mandat në qarkun e Vlorës, duke akuzuar për një tjetër akt të rëndë në një proces që e cilëson si të mbushur me shkelje dhe manipulime të qëllimshme.

Postimi:

Me zë dhe figurë si është shkatërruar votimi i diasporës!

Zarfat nuk kanë ardhur me DHL (sipas kontratës) por me Postën e Ramës dhe mënyra të tjera si psh me thasët e Taulantit. Edhe kjo përkon me kohën kur deklaruan mish mashin dhe që do i mbushnin vetë!

Votat qartësisht nuk janë më të rregullta dhe është minuar integriteti i procesit.

Është njëlloj sikur në votimin në Shqipëri dikush të shkonte me fletën e vet me vete dhe të lejohej ta hidhte direkt në kuti!!!

Nga votat e thasëve të Taulantit, PD në qarkun e Vlorës humbi një mandat, duke shtuar akoma më shumë shkelje një procesi të brendshëm me skema po aq kriminale.
 

© SYRI.net

Lexo edhe:

• Barbano: Në thelb të misionit EULEX, qytetarët e Kosovës
• Skandali/ Taulant Balla paralajmëron deklaratë të Organizatës së Veteranëve të UÇK-së
• KQZ: Gati t’i shpallim rezultatet përfundimtare pasi të përfundojnë ankesat