Emisari i BE-së për dialogun Kosovë-Serbi, Peter Sorensen, ka arritur në Qeverinë e Kosovës me zëvendëskryeministrin në detyrë, Besnik Bislimi.
Për këtë vizitë nuk ka pasur njoftim paraprak nga Bashkimi Evropian.
Takimi nisi nga ora 11:00.
Për Reporteri.net takimin e konfirmoi këshilltari i Bislimit, Klisman Kadiu.
Sorensen para takimit me Bislimin qëndroi në KFOR ku u takuar me komandantin Enrico Barduani.
Muajin e kaluar, Sorensen qëndroi për vizitë në Kosovë, ku pati takime me krerët e shtetit.
Në Prishtinë, Sorensen ka thënë se qëllimi tij është që të shtyjë përpara procesin e dialogut.
“Dialogu është që të pajtohemi dhe kompromiset do të caktohen nga palët. Ky është dialogu dhe këtë e kemi bërë që nga viti 2011”, tha Sorensen gjatë qëndrimit në Prishtinë.
Emisari i BE-së u pyet edhe për mbylljen e institucioneve serbe në Kosovë, respektivisht qendrave për punë sociale dhe postës.
Danezi mori detyrën më 1 shkurt 2025.
Më herët, Sorensen ka punuar si këshilltar edhe në Kosovë në misionin e Kombeve të Bashkuara në Kosovë (UNMIK), ndërsa ka qenë edhe përfaqësues i posaçëm i përfaqësuesit të lartë të BE-së në Serbi.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Barbano: Në thelb të misionit EULEX, qytetarët e Kosovës
Skandali/ Taulant Balla paralajmëron deklaratë të Organizatës së Veteranëve të UÇK-së
KQZ: Gati t’i shpallim rezultatet përfundimtare pasi të përfundojnë ankesat