Raportoi se nën kërcënimin e armës i janë vjedhur para, Policia e arreston burrin në Fushë Kosovë për lajmërim të rrejshëm

Policia e Kosovës e ka arrestuar një burrë në Fushë Kosovë i cili dyshohet për lajmërim të rrejshëm. I njëjti kishte raportuar para një jave se nën kërcënimin e armës i janë marrë një shumë e të hollave.

Zëdhënësja e Policisë për Rajonin e Prishtinës, Florie Ahmeti, ka deklaruar për Reporteri.net se pas hetimeve të zhvilluara, është vërtetuar se rasti ka qenë i sajuar.

“Pas hetimeve të zhvilluara në koordinim të ngushtë me prokurorin e shtetit, është vërtetuar se rasti i raportuar ka qenë i sajuar dhe nuk ka ndodhur në mënyrën e pretenduar nga ankuesi. Sot, personi që kishte paraqitur rastin  rrejshëm është arrestuar nga policia. Ndaj tij është iniciuar procedurë penale për veprën “lajmërim i rrejshëm”. Policia e Kosovës mbetet e përkushtuar në zbardhjen e plotë të çdo rasti dhe në mbajtjen e rendit dhe sigurisë publike, duke vepruar me profesionalizëm dhe në bazë të ligjit”, ka deklaruar Ahmeti.

© SYRI.net

Lexo edhe:

• Përleshje në Prishtinë: Policët jashtë detyrës zyrtare ndërhyjnë për të neutralizuar situatën
• Ministria e Infrastrukturës dështon në komunikim: Njoftime zyrtare plot gabime drejtshkrimore
• LIVE/ 'Rama jepe dorëheqjen!' Vijon protesta qytetare