Kryetari i AAK-së, Ramush Haradinaj ka reaguar në lidhje me metodën e njëjtë të furnizimit me tekste shkollore, me anë të subvencionimit të prindërve.
Haradinaj përmes një shkrimi në Facebook, ka thënë se Qeveria Kurti po maltreton prindërit e nxënësit me procedura të panevojshme në vend që të sigurojë tekstet shkollore falas.
Tutje, Haradinaj thotë se Qeveria duhet të rritë pagat e mësimdhënësve, e jo merren me veprime populiste, se mos po shpërqendrohet vëmendja nga problemet reale.
Reagimi i plotë i tij:
Pushteti në vend që t’i sigurojë tekstet falas, i maltreton prindërit e nxënësit me procedura të panevojshme. Modelin e ndarjes së parave për tekste shkollore e kishin provuar vitin e shkuar dhe kishin dalë të dështuar. Pse e përsërisin dështimin prapë?
Në vend që ta rrisin cilësinë në arsim e të mos mbetemi në fund të listës së PISA-s, këta sajojnë armiq imagjinarë në mesin e mësuesve e sindikatave.
Në vend që t’i rrisin pagat e mësimdhënësve, merren me veprime populiste, se mos po shpërqendrohet vëmendja nga problemet reale.
Por, ato po grumbullohen përditë dhe po bëhen të papërballueshme.
Prandaj, numri i mësuesve dhe nxënësve që e kanë braktisur Kosovën, është alarmant.
Nxënësve duhet t’u sigurohen librat falas e jo t’u komplikohet jeta me procedurat e aplikimit falas!
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër
VIDEO LIVE/ Protestuesit nisin marshimin dhe rrethojnë kryeministrinë