Zv/kryeministri Besnik Bislimi ka njoftuar se është takuar me parlamentarë e zyrtarë qeveritarë në Bern të Zvicrës, me të cilët ka thënë se ka diskutuar për “nga progresi ynë, zhvillimi ekonomik e perspektiva evropiane e vendit, deri tek marrëdhëniet tona bilaterale, situata në vend e rajon, anëtarësimi në Këshillin e Evropës dhe procesi i dialogut”.
“Me parlamentarë e zyrtarë qeveritarë, në Bern të Zvicrës, diskutuam mbi një mori temash. Nga progresi ynë, zhvillimi ekonomik e perspektiva evropiane e vendit, deri tek marrëdhëniet tona bilaterale, situata në vend e rajon, anëtarësimi në Këshillin e Evropës dhe procesi i dialogut.”
Ai ka treguar se kë ka takuar.
“Takuam deputetët zviceranë pjesë të Grupit Parlamentar të Miqësisë Kosovë-Zvicër, Cedric Wermuth dhe Roger Golay, Kryetarin e Këshillit Nacional, Eric Nussbaumer, Sekretaren e Shtetit për Çështje Ekonomike, Helene Budiger Artieda, dhe Sekretarin e Shtetit të Departamentit Federal për Punë të Jashtme të Zvicrës, Alexandre Fasel.”
Bislimi ka shkruar se me kontributin e mërgatës bashkëpunimi e marrëdhëniet e Kosovës me Zvicrën po fuqizohen dita ditës.
“Me kontributin madhor edhe të mërgatës sonë, bashkëpunimi e marrëdhëniet tona me Zvicrën fuqizohen dita ditës si në rrafshin ekonomik, e po ashtu dhe atë social e kulturor.”
© SYRI.net
Mbi 2 mijë fëmijë lindën në mars, prijnë me numër meshkujt
Abdixhiku-Kurtit: Ju caktojeni datën e zgjedhjeve, ne caktojmë festën!
Krasniqi: S’kam bërë marrëveshje me Kurtin, para tij takova edhe kolegët e opozitës
Denonco
Merrni lajmet më të fundit nga SYRI.net në çdo moment dhe kudo që të jeni!
